A Comissom de Meio da Gentalha organiza umha palestra esta quinta feira sobre as luitas anti-nucleares que tivérom lugar a finais da década de 70 e começos da de 80 na Galiza. Com o título de "De Jove a Fukushima", repassaremos com Ramón Varela, militante histórico de Adega, a importáncia de aquelas e a necessidade de mantermos a tensom perante as vozes que defendem a energia nuclear como alternativa à proveniente de combustíveis fóseis.
Será às 20h30. Aguardamos-te!
A dous meses do mais grave acidente nuclear do que levamos de século e nom sabemos se de toda a história, é tempo para reflectirmos sobre o emprego da energia nuclear. Agora que a notícia vai perdendo lugar nos noticiários e os opinadores do lobby pro-nuclear nom estám a todas horas nos média, os efeitos imediatos e a realidade que doravante sofrirám a quilómetros do local do reactor descontrolado nom aparecerám nos nossos ecrás mais que de tempo em tempo e passando os filtros da censura da comunicaçom empresarial e pública.
Esta quinta-feira dia 12 teremos no centro social O Pichel um dos fundadores de ADEGA, Ramón Varela, para debulharmos os argumentos que com que nos intoxicárom jornais, radios e televisons, que deixrom muito pouco espaço (às vezes nengum) para a voz do ecologismo. É necessária a energia nuclear? Qué percentagem real supom na produçom energética? De que riscos ficámos livres quando há trinta e dous anos parámos a instalaçom dumha nuclear em Jove? É barata como dim a energia nuclear? A estes e outros interrogantes tentaremos dar resposta com o nosso convidado, que nom abandonou o seu compromiso com o ambiente desde os dias da mobilizaçom em Jove.
Escrito em 09-05-2011,
na categoria: Comissons
|
ola,
isa foto NON é de fukusima. É unha foto dunha refinería
Parabéns Nemigo!
Descubriches o “erro da semana"!!!
serás agraciado com 3 turnos de balcom da festa do dia 14!
Fica atento nas próximas semanas e demostra a tua lucidez!