NOVO CARTAZ DEDICADO A AURORA LISTE

NOVO CARTAZ DEDICADO A AURORA LISTE


Continuando com o trabalho de recuperaçom da memória colectiva da nossa comarca, s Comissom de Memória Histórica vem de editar um novo cartaz. Após editar os cartazes de Joam Jesus, Angelo Casal, As Marias, Rosalia e Foucelhas, decdimonos a adicar-lhe a nova ediçom a Aurora Liste Forjám, a leiteira de calo.
O cartaz vem acompanhado so seguinte texto:

Aurora (1916-1984) nasceu em Teu, na paróquia de Calo. Ela e os três irmaos, Constante, Hernique e Faustino, formárom umha das famílias mais combativas da Galiza da II República. Faustino e Constante fôrom sindicalistas assassinados polos fascistas; Henrique Líster nom precisa de apresentaçom, e Aurora ficou até o último momento na Terra, sem ceder nunca. A cadeia, as represálias e torturas da Guarda Civil nom conseguírom apagar o seu compromisso comunista. Rebelde incansável, participava em todos os protestos da época, militou no PCOE em Compostela e colaborava economicamente com todo o que podia, como nas mobilizaçons estudantis por volta do 68.
A leiteira de Calo recolhia cada manhá nas casas labregas o leite -pagando escrupulosamente em mao- que depois distribuía por Compostela. Quase analfabeta, Aurora tinha umha inteligência prodigiosa e levaba as contas na cabeça. Quando ainda era raro ver umha mulher a conduzir, Aurora conseguiu a licença e fazia a ditribuiçom num Citroën 2 cavalos até umha idade mui avançada. No famoso comício do seu irmao na Alameda em 1977 comentaria: ?Os tempos mudárom, nom sei que é o que acontece às esquerdas que sempre andamos esturrando uns contra outros quando os inimigos som os fascistas...?

Escrito em 08-07-2011, na categoria: Comissons
Chuza!

1 comentário

Comentário de: L.S.Faísca [Visitante]
L.S.Faísca

Vos teredes a leiteira de Calo, nós temos ó leiteiro do Faísca, que non é outro que o Rodas.

Dous camións cisterna encheu da última recollida, e din que ainda tiña pa máis!!

09-07-2011 @ 17:10

    SEMENTE

      Somos um grupo de compostelanas e compostelanos decididos a fazer activismo cultural na nossa cidade e comarca. A língua e cultura galegas, a vontade de aprender, de difundir e recuperar os nossos costumes, a nossa história, a nossa música... som os nossos eixos de trabalho.

      Documentário Quatro anos de Gentalha já na rede!

      A Gentalha do Pichel Centro Social O Pichel Loja da Gentalha

        AGENDA DE EVENTOS

          Busca

          O blogue do Apalpador

          powered by b2evolution