OS CURSOS DESTE ANO!

OS CURSOS DESTE ANO!


A CONTINUAÇOM TODA A INFORMAÇOM:

Continua:

pandeireta

Quartas-f.
Iniciaçom de 18h a 19h.
Aperfeiçoamento de 19h a 20h.
Começo 18 de Out.
Preço 14€

Nas aulas aprenderemos a tocar os ritmos básicos da música tradicional galega, mas também faremos exercícios de técnica, de improvisaçom ou de acompanhamento a outras músicas que costumamos ouvir.
Aitana Cuétara, a professora, leva acompanhada pola música tradicional desde o ano 1997. Começou sob a direcçom do mestre Lolete como gaiteira, passando depois por outras agrupaçons como “Airinhos de Fene”. Foi percussionista dos grupos folque “Cantareiras de Trasancos” e "Sete Raposos Mortos", formou-se em diferentes cursos com Eliseo Parra, Berto Costas ou Luis Prego e tem colaborado em vários trabalhos discográficos.
Já tem impartido aulas no Pichel, na Fundaçom Artábria, em "Tempo Novo" de Elvinha, no centro galego de Lisboa, etc.

música para peto. Harmónica e mais uns instrumentos Miúdos.

Segundas feiras de 20h a 21h.
Começo 7 de Novembro.
Preço 15€

Curso para todos os níveis sobre instrumentos que podam ser levados no peto, porque a música é o refúgio onde podermos agochar-nos contra o aborrecimento, a defesa da mediocridade.
Curso para aprender/melhorar a tocar a harmónica em vários estilos (tradicional, folque, popular, blues...) e liçons para outros instrumentos: tarranholas, harpas de boca, assobios, conchas...
O professor será Ariel Ninas (a.k.a. Mauro Sanín) músico polifacético associado à Central Folque, onde desenvolve a sua actividade profissional regular. Ainda que pouca gente o sabe, a harmónica é o seu primeiro instrumento, que toca desde os 14 anos e tivo em Marcos Coll (Reyes el K.O.) o seu professor. Como sanfonista, é membro da OMEGA (Orquestra de Música Espontánea da Galiza) e forma parte de diversos projectos em música experimental.


baixo eléctrico

Segundas feiras de 19h a 20h Nível I e de 20h a 21h Nível II. Começo 17 de Outubro.
Preço 20€

Para poder chegar ao mais gente e também dar um ensino melhor, a ideia é formar duas turmas:
- Umha primeira turma de nível elementar, onde conheceremos a técnica básica para podermos fazer soar o baixo com um som bom e achegar-nos à interpretaçom de pequenos ritmos com o nosso instrumento, como também começar a conhecer as escalas e os acordes.
- Umha segunda turma com um nível intermédio que pretende uns objectivos mais altos, melhorar a técnica das duas maos e o “slap e popping”, trabalhar as escalas e os acordes com diferentes padrons rítmicos, a criaçom de linhas de baixo e por último a prática de diferentes estilos musicais no baixo eléctrico.
O professor será Alberte Rodríguez, picheleiro de sempre. Estudou contrabaixo no Conservatório Superior de Música da Corunha e na Escola de Altos Estudos Musicais da Galiza, como também baixo eléctrico em Estudio, escola de música e em Aula Combo. Completou sua formaçom com diferentes cursinhos e aulas magistrais (Wolfgang Harrer, Diego Zecharies, N.H. Orsted Pedersen, Ferrán Sala, Fernando Flores…).
Tocou, gravou ou colaborou como baixista ou contrabaixista em muitos grupos, entre eles: Tonhito de Poi e Rasa Loba, Orquestra de Cámara Galega, Emilio Rúa, Orquestra Sinfónica de Melide, Roi Casal, Ophiusa, Bea Porrúa, Silvia Ferre, Embrace Me Ocean e Carmen Dor.
Na actualidade dedica-se ao ensino e à interpretaçom através da participaçom em: PELdeNOZ, CabRaret, Jorgelina Piana Trío, Som do Galpom, Pé de Boi, Kana Kaiana e Super-sandwich.

português

Terças feiras de 20h a 21h.
Começo 18 de outubro.
Preço 14€.
Duraçom de 4 meses.

Com perto de 272,9 milhões de falantes, o português é a quinta língua mais falada no mundo.
Neste curso vamos aprender aqueles conteúdos gramaticais, socioculturais e lexicais que nos ajudem a comunicar com oito países lusófonos, mas sempre tendo em conta que sermos galegas é umha entrada que favorece o acesso ao mundo em português.
A professora será Carmen Saborido, umha padronesa licenciada em Filologia pela USC. Completou estudos de língua e cultura portuguesas em Lisboa. Trabalhou como tradutora e corretora ortográfica, mas hoje é professora no secundário, onde dá aulas de português a adolescentes.

língua e cultura catalás

Quartas feiras de 20h a 21h30.
Começo 19 de Outubro.
Preço 20€.
Duraçom de 4 meses.

O curso de língua e cultura catalás quer ofertar um conhecimento global da realidade social da língua catalá (extensom territorial, distintos graus de oficialidade, situaçom sociolingüística...) e da cultura que se gerou no seu território. O alunado também adquirirá as ferramentas linguísticas básicas para entender textos escritos ou orais em catalám, de jeito que desenvolva as habilidades comunicativas para poder passar da compreensom da língua ao seu uso activo.
O professor será Eduard del Castillo Velasco, licenciado em Filologia Catalá e Filologia Galega pola Universitat de Barcelona. Dedicou-se à docência da língua catalá, à traduçom literária (catalá-galego) e à correçom. Interessado especialmente nas relaçons entre a Catalunha e a Galiza, procura dá-las a conhecer e fortalecer desde os meios de comunicaçom em que colabora (rádio e imprensa escrita). É membro de Espazos Radiofónicos Galegos em Catalunya (ERGaC) e mantém o blogue “Catalunya a Galícia, a Galiza en Cataluña” (http://galiza-catalunya.blogspot.com/).

gaita

Quartas feiras de 20h15 a 21h15.
Começo 19 de Outubro.
Preço 14€.

No curso faremos umha aproximaçom ao instrumento e aprenderás algumhas peças.
O curso irá da iniciaçom ao aperfeiçoamento, trabalhando ouvido e linguagem musical, com as noçons básicas de teoria e leitura aplicadas à prática da música tradicional.

O professor será David Canto Veiga, gaiteiro iniciado na música tradicional na comarca da Marinha, para depois receber formaçom em percussom e requinta e flautas travesseiras em aCentral Folque e no Conservatório. Tocou com 'Acibreira' ou 'Quarteto da Gentalha', entre outros projectos.

língua e cultura italiana

Quintas feiras de 20h a 21h30.
Começo 20 de Outubro.
Preço: 20€.
Duraçom de 4 meses.

No curso de língua e cultura italiana desenvolverám-se as quatro habilidades linguísticas (compreensom escrita e oral e produçom oral e escrita) em princípio a partir dum nível básico, mas tendo em mente que o curso deverá adaptar-se às necessidades e ao nível do alunado.
Além disto, no curso ocuparemo-nos dos tratos culturais da península e das ilhas italianas tocando também as muitas realidades linguísticas das diferentes áreas da Itália.
O professor será Alessandro Ardovini, licenciado em Filologia inglesa e espanhola e Literaturas anglo-americana e hispano-americana na Universidade de Roma Sapienza. Atendeu um curso de ensino do italiano para pessoas estrangeiras na escola Torre di Babele de Roma. Também atendeu o Curso de galego para pessoas estrangeiras em 2010 e 2011.
Professor-viajante, dedicou-se à docência da língua e cultura italiana na Austrália, Itália, Espanha, e Canadá, à organizaçom da projecçom de filmes italianos e à direcçom de um círculo de leitura de contos italianos.Também se dedicou à traduçom (inglês-italiano, espanhol-italiano e galego-italiano) e ao trabalho como tradutor e guia para vários grupos musicais.
Muito interessado nas línguas minorizadas de Itália, do Estado Espanhol e de outras partes do mundo, tenta dar a conhecê-las a todas as pessoas que pouco (ou nada) sabem delas.
Também muito interessado na conservaçom natural e na vida sustentável viveu e trabalhou nesse âmbito na Itália e na França.

pilates

Segundas e quartas feiras de 19h15 a 20h15.
Começo 17 de Outubro.
Preço 20€.
Duraçom até maio.
Grupo máximo 12 pessoas

O método Pilates é umha disciplina física que potencia a concentraçom, o equilíbrio, a correçom postural e o fortalecimento da zona abdominal e lombar. A série de exercícios combinam-se a um ritmo pausado; unha sessom terá entre 50 e 60 minutos. Trabalha-se a este ritmo para poder ser conscientes do que se está a fazer, procurando a coordenaçom de movimentos e o trabalho psicomotor. Esta disciplina abrange um amplo leque de possibilidades, podendo ser praticado por diferentes tipos de pessoas independentemente da idade ou estado físico. O método pode-se adaptar a diferentes necessidades.
Cristina G. Cameselle leva desde 1985 impartindo aulas de ballet clássico, sempre sentiu a necessidade de bailar e de mover-me. A sua formaçom é principalmente de dança clássica; estudou com grandes professoras como hannelore gotsclahlk, carmina ocaña e finalmente com carmen roche. Mas também fijo muitos cursos com grandes bailarinas e coreógrafas de dança contemporánea como cesc gelabert, chevi muraday ou teresa nieta entre outros. Desde 2006 entrou em contacto com o método pilates. Para ela: “foi um passo natural que se complementava com todo o meu trabalho de dança”.

Canto para o Coro da Gaita Armada

Terças Feiras de 20h30 a 21h30.
Começo 18 Outubro.
Preço 12€.

Nas aulas de canto para preparar o coro trabalharám-se aspectos musicais como:
INTRODUÇOM À LINGUAGEM MUSICAL: elementos da música e da partitura. Compassos básicos.
RITMO: assimilaçom do compasso e a sensibilidade da subdivisom rítmica; o tempo.
AFINAÇOM: interiorizaçom e prática da entoaçom das escalas e as relaçons harmónicas.
OUVIDO: aprendizagem da escuita e análise dos elementos de umha peça ou composiçom.
A RESPIRAÇOM: a relaxaçom, direcçom e projecçom da voz.
CRIATIVIDADE: composiçom de peças originais para o coro feitas colectivamente.
Este trabalho todo estará focado para a prática, quer dizer, será dirigido ao ensaio de composiçons que interpretará o coro. É, sobretodo, um trabalho imprescindível para um colectivo musical.
O professor será Manu Paino. Estudou desde pequeno linguagem musical e trompete com Luís González Amosa, na escola de música da Bandeira, onde é actualmente professor. Acaba os seus estudos de trompete clássico no Conservatório Superior de Música de Vigo, compaginando com o complemento formativo na Escola de Altos Estudos Musicais da Galiza. Frequentou cursos com grandes trompetistas como Javier Simó, Xosé Rodríguez, Bö Nilsson, Hakan Hardenberger...
No ámbito da música clássica actuou com formaçons musicais como a Banda Municipal de Santiago, Banda Municipal da Corunha, Banda Filarmónica de Galicia, Orquesta da EAEM, Orquesta de Amigos da Ópera de Vigo, Orquesta de Granada...
Participa em outras disciplinas artísticas como trompetista: teatro, dança, circo...
No jazz e na música moderna formou-se na Escola Estudio com Suso Atanes, e assiste a aulas no Seminário Permanente de Jazz de Pontevedra com Abe Rábade e Paco Charlín, e aulas particulares de trompete com Chris Kase.
Actualmente toca em diversas formaçons como Sacha na Horta, A Magnifique Bande dos Homes sen Medo, Os tres Trebóns, Tri-O-Maticos... colabora como músico de estudo e arranjista e dá aulas de trompete em diversas escolas de música.

Dança tradicional iniciaçom

Terças Feiras de 20h30 a 21h30.
Começo 18 de Outubro.
Preço 14€.

Impartido por Chus Caramés, que leva duas décadas no baile galego. começa na sua terra natal para retomar na nossa comarca num grupo de baile da cidade. além de bailadora e pandeireteira, é a organizadora dum evento muito importante para a musica tradicional do país, "os encontros de musica tradicional de carvoeiro".

Dança tradicional aperfeiçoamento

Segundas feiras de 20h30 a 21h30.
Começo 17 de Outubro.
Preço 14€

Fuensanta Nieto: esta rapariga há mais de vinte anos que baila em diferentes agrupaçons folclóricas da comarca compostelana. fijo algum trabalho de campo por diferentes lugares da galiza para aprender, de primeira mao, as diferentes maneiras de bailar dos e das nossas velhas.
Neste curso aprenderemos alguns bailes de diferentes zonas para podermos continuar a participar activamente em festas e foliadas.

Pintura
Quartas feiras de 19h30 a 21h30.
Começo 19 de Outubro.
27€.

Sandra Carballa

Gaita

Quartas feiras de 20h15 a 21h15.
Começo 19 de Outubro.
Preço 14€.

No curso faremos umha aproximaçom ao instrumento e aprenderás algumhas peças.
O professor será David Canto Veiga, gaiteiro iniciado na música tradicional na comarca da Marinha, para depois receber formaçom em percussom e requinta e flautas travesseiras em aCentral Folque e no Conservatório. Em agrupaçom tocou com 'Acibreira' ou 'Quarteto da Gentalha', entre outros projectos.


Tea & sympathy

Curso de língua inglesa e culturas anglófonas.
Segundas feiras e Quintas 19h a 20 h.
Começo 17 de Outubro.
Preço 20 euros
Duraçom até Junho

Curso de inglês para aquelas pessoas que tendo um certo nível adquirido (de intermédio a avançado) desejam praticar e desenvolver as suas competências orais e também enriquecerem o vocabulário necessário para diferentes situaçons e contextos através de actividades com um alto grau participativo, fomentando a implicaçom dos e das participantes num ambiente positivo e aberto.
Todo isto, claro, com um chá, muita simpatia e pouca gramatica; fancy joining us?
O professor será Alfonso Barata, titulado CELTA (Certificate in English Language Teaching to Adults) pola Universidade de Cambridge em 2007. Como docente, trabalhou na Universidade de Caen-Basse Normandie e passa os veraos na Inglaterra dando aulas de inglês numa escola de verao internacional para adolescentes .
Também tem experiência no mundo associativo británico, em particular, no relacionado com a imigraçom e o asilo de refugiados.

Monográfico de stop-motion

Sexta 11 de Novembro 16h a 21h30
Sábado 12 de Novembro de 10h a 14h e de 16 a 21.30h.
20€

O stop-motion é umha técnica de animaçom para criar movimento com objectos inanimados. Pode-se animar qualquer cousa, só há que aprender um pouco e ter imaginaçom e um bocado de paciência. Nós vamos aprender a fazer bonecos de plasticina e dar-lhes vida para podermos transmitir sentimentos e contar histórias através deles.
Adriana Villanueva estudou comunicaçom audiovisual e um ano de animaçom tradicional. Podem-se ver as cousas que tem feito em http://cargocollective.com/adriana_p_villanueva "


Monográfico de stencil

sábado 26 de Novembro e 3 de Dezembro das 10h30 às 14h00 e das 16h00 às 20h00.
25€

O stencil é a técnica de comunicaçom no espaço público mais afim ao "Do It Yourself" (Fai-no tu mesma). Permite às pessoas e colectivos difundirem as suas ideias inúmeras vezes com uns recursos mínimos. Chega com recortar num molde o desenho que queremos e aplicar sobre ele a pintura. Será impartido por Fernando Martins, natural de Trasancos

Cursos de outras associaçons no Pichel

Capoeira Angola
sextas feiras de 18h a 20h.
Data para informar-se no Pichel: 21 de Outubro www.capoeirasimbasalvador.com

Esgrima Antiga
terças de 21h30 a 23h e sábados de 10h a 14h.
21€.
Data para informar-se 18 de Outubro.

INFORMAÇOM GERAL

Inscriçom do 2 ao 15 de Outubro: gentalha[arroba]agal-gz [ponto]org, no C.S O Pichel (Sta Clara 21 de 18h a 23h) ou no 610669199 de 15h a 18h

Normas dos cursos:

Nom se cobrará matrícula
Cada curso deve ser pago na primeira semana do mês.
Pagará-se a totalidade do mês e as aulas perdidas por causa do professorado serám recuperadas.
Os descontos afectam as pessoas sócias e aquelas que participam de mais dum curso (o desconto nos dous casos será de 2€ por curso)

Escrito em 03-10-2011, na categoria: Comissons

3 comentários

Comentário de: Maria [Visitante]
Eu estaba esperando pola clase de tamboril dos martes, Para aprender a tocar un pouquiño, sifff
Saudiños
05-10-2011 @ 10:43
Comentário de: gentalha [Membro] Email
Nom puido ser Maria, tentamos ter esse curso mas nom foi possível. Tentaremos lançar um curso de percussom brasileira dentro de uns meses.
Saudos
05-10-2011 @ 11:16
Comentário de: Adriana [Visitante]
Ola eu quería información acerca do cursiño Danza do Ventre.

Graciñas
12-10-2011 @ 22:56

Deixe o seu comentário


Seu endereço de e-mail nom será revelado nesse site.

Sua URL será exibida.
(Quebras de linha se tornam <br />)
(Nome, e-mail & website)
(Permitir que usuários o contatem através de um formulário eletrônico (seu e-mail nom será exibido.))

    SEMENTE

    PROJETO PONTOS

    Projeto Pontos

    Pontos em galego. O galego em pontos

    Somos um grupo de compostelanas e compostelanos decididos a fazer activismo cultural na nossa cidade e comarca. A língua e cultura galegas, a vontade de aprender, de difundir e recuperar os nossos costumes, a nossa história, a nossa música... som os nossos eixos de trabalho.

    Documentário Quatro anos de Gentalha já na rede!

    A Gentalha do Pichel Centro Social O Pichel Loja da Gentalha

    CONTACTO

    ENDEREÇO: rua santaclara, 21, compostela

    HORÁRIO do centro social

    E-MAIL: gentalhadopichel [arroba] gmail [ponto] com

    TELEMÓVEL:698142936

    AGENDA DE EVENTOS

    Ligaçons

    Portal Galego da Língua Sinaliza


    A Gentalha participa em:

    Plataforma Galega Anti-transgênicos GALIZA NOM S€ VENDE


    Entidades associadas ao Pichel:

    Akalimera Cineclube de Compostela Novas da Galiza Associaçom Galega da Língua


    Centros Sociais:

    Arrincadeira Aguilhoar - Ginzo de Límia Almuinha - Marim Fundaçom Artábria - Ferrol Aturujo - Local Social - Boiro Baiuca Vermelha - Ponte Areias A Casa da Estacion - Ponte D'Eume Cova dos Ratos - Vigo Local Social A Esmorga de Ourense Local Social Faísca - Vigo Foucelhas - Ordes O Fresco - Ponte Areias C.S. Gomes Gaioso - Corunha Henriqueta Outeiro - Compostela MadiaLeva-Lugo ReviraVolta - Ponte Vedra A Revolta - Vigo Sociedade Cultural e Desportiva do Condado - Salvaterra de Minho A Tiradoura - Reboredo (Cangas) A Treu - Corunha

    Busca

    O blogue do Apalpador

    powered by b2evolution free blog software