COMEÇA O PROJETO PONTOS: PONTOS EM GALEGO, O GALEGO EM PONTOS

COMEÇA O PROJETO PONTOS: PONTOS EM GALEGO, O GALEGO EM PONTOS

LINK AO PROJETO PONTOS

PONTOS EM GALEGO. O GALEGO EM PONTOS

Através de esta página do Facebook as clientas e clientes de bares, padarias ou frutarias poderemos ver quais som os negócios que usam o galego na nossa cidade; as empresas, portanto, poderám ver reconhecidos os seus esforços por difundir o galego.

Cada negócio poderá ter 1, 2 ou 3 pontos em funçom do seu grau de galeguizaçom.

A avaliaçom de cada estabelecimento comercial foi feita pola comissom de Defesa da Língua da Gentalha do Pichel, mas podemos estar enganadas. No caso de observares algumha informaçom errada ou incompleta, envia-nos um comentário através do Facebook ou do nosso e-mail.

Cada semana conhecerás um novo local galeguizado e a pontuaçom que merece; e o primeiro da nossa lista nom podia ser outro que o C.S O PICHEL, que, como é evidente, conta com a qualificaçom máxima!

OS CRITÉRIOS DOS PONTOS

1. Atençom integral em galego
2. Percentagem relevante de imprensa, publicaçons ou música em galego
3. Administraçom interna em galego
4. Comunicaçom externa em galego
5. Compromisso ativo com a normalizaçom lingüística

A NOSSA PONTUAÇOM:

100% dos critérios: 3 pontos
50% (ou mais) dos critérios: 2 pontos
menos de 50% dos critérios: 1 ponto

assunçom do carácter internacional da nossa língua: +nh

Escrito em 12-12-2011, na categoria: Comissons, lingua
Chuza!

2 comentários

Comentário de: Vixía [Visitante]
Vixía

Genial!

C+C: «Temos que reforzar-nos uns aos outros, é quase como o movimento gai ou os judeus. Reforçar-se, criar lobby. Vistedes ‘Milk’, umha película dum activista gai que tem um dia umha ideia: vai a todas as tendas de um bairro de Sam Francisco e pregunta “nesta tenda ides tratar bem os gais?", e fai umha lista com os que respondem afirmativamente, e umha outra cos que nom. E vai onde os gais e di-lhes “esta é a lista boa". Em 5 anos as tendas que nom tratam bem os gais vam fechando, e as que sim, sobem». (http://nosquedaportugal.blogspot.com/2010/06/conversa-con-valentim-fagim-2.html)

Agora fazer lobby! E os comércios que nom atendam em galego irám fechando. ;-)

14-12-2011 @ 23:00
Comentário de: exiliado [Visitante]
exiliado

parabéns às picheleiras.

sois a vanguarda.

15-12-2011 @ 16:48

    SEMENTE

      Somos um grupo de compostelanas e compostelanos decididos a fazer activismo cultural na nossa cidade e comarca. A língua e cultura galegas, a vontade de aprender, de difundir e recuperar os nossos costumes, a nossa história, a nossa música... som os nossos eixos de trabalho.

      Documentário Quatro anos de Gentalha já na rede!

      A Gentalha do Pichel Centro Social O Pichel Loja da Gentalha

        AGENDA DE EVENTOS

          Busca

          O blogue do Apalpador

          powered by b2evolution