COMUNICADO DA GENTALHA PERANTE A SENTENÇA QUE A DECLARA CULPÁVEL DE OBSTACULIZAR A VIA PÚBLICA

COMUNICADO DA GENTALHA PERANTE A SENTENÇA QUE A DECLARA CULPÁVEL DE OBSTACULIZAR A VIA PÚBLICA

A GENTALHA DO PICHEL É DECLARADA CULPÁVEL DE OBSTACULIZAÇOM DA VIA PÚBLICA POR COLOCAR UMHA FAIXA

Vem de ser emitida a sentença que declara a nossa associaçom cultural culpável de obstaculizaçom da via pública por colocar umha faixa com a legenda “Na Galiza só em galego” na cacharela de há dous anos durante o governo do bipartito. A multa da Cámara Municipal, num primeiro momento de 1500 euros (quantia máxima estipulada pola ordenança), foi rebaixada pola juíz a 300 euros (a quantia mínima permitida). A Gentalha quer manifestar o seu pesar polo que consideramos um precedente judicial gravemente lesivo para o conjunto dos movimentos sociais da cidade e, em geral, de todo o país. Reiteramos, assim mesmo, a nossa consideraçom de que por trás desta sançom houvo motivaçons políticas, e denunciamos a política institucional de elaboraçom de ordenanças cada vez mais restritivas e impossíveis de cumprir, que longe de serem aplicadas com equanimidade, som utilizadas para castigar aqueles coletivos mais ativos e contestatários com as administraçons.

Ou é que houvo algumha sançom polo despregamento massivo de faixas de boas vindas ao lider da seita religiosa católica o passado ano, assinadas pola Cámara Municipal? Haverá algúm tipo de sançom para as faixas de apoio à selecçom espanhola masculina de futebol que se despregarám numha Praça Vermelha diligentemente cedida polo Concelho a umha empresa com motivo da Eurocopa? Evidentemente nom, porque esses artigos das ordenanças municipais só tenhem umha funçom: reprimir e afogar economicamente aqueles colectivos que apostam num modelo de cidade diferente da lobotomizaçom turística e espanholizante que promovem as instituiçons.

Neste contexto de crise económica que estamos a sofrer, a paranoia dos nossos governantes, de um ou outro signo, por silenciar os movimento sociais começa a ser mui preocupante. Nesse sentido, enquadramos nessa ofensiva a recente aprovaçom da Ordenança de ocupaçom e usos da via pública do Concelho, que exige o pagamento de grandes quantidades, inacesíveis para qualquer coletivo nom subvencionado, pola utilizaçom de praças públicas.

Queremos amossar a nossa solidariedade com os coletivos afectados por dita ordenança, mas também com outros coletivos que estám a sofrer a perseguiçom institucional em outras vilas e cidades da Galiza: a nossa solidariedade com o centro Social Aturuxo de Boiro, ameaçado de feche polo Concelho; com a Fundaçom Artábria de Ferrol, multada por homengear Carvalho Calero diante da sua casa como vem fazendo desde há anos; com a Associaçom Galega da Língua, recentemente boicotada nas suas actividades pola Cámara Municipal de Vigo. Na Gentalha interpretamos que este conjunto de acontecimentos admitem um diagnóstico global: o deterioro das mais básicas liberdades individuais e colectivas; um ensaio clínico da atmósfera represiva imprescindível para que o sistema sobreviva aos tempos convulsos que se apresentam.

Perante os seus golpes, continuamos a proclamar a necessidade dumha cultura popular, galega e autogerida, e hoje mais do que nunca continuamos a berrar que a rua é nossa.

Escrito em 09-06-2012, na categoria: Notícias

1 comentário

Comentário de: Tania [Visitante]
¡Adiante!
11-06-2012 @ 09:41

Deixe o seu comentário


Seu endereço de e-mail nom será revelado nesse site.

Sua URL será exibida.
(Quebras de linha se tornam <br />)
(Nome, e-mail & website)
(Permitir que usuários o contatem através de um formulário eletrônico (seu e-mail nom será exibido.))

    SEMENTE

    PROJETO PONTOS

    Projeto Pontos

    Pontos em galego. O galego em pontos

    Somos um grupo de compostelanas e compostelanos decididos a fazer activismo cultural na nossa cidade e comarca. A língua e cultura galegas, a vontade de aprender, de difundir e recuperar os nossos costumes, a nossa história, a nossa música... som os nossos eixos de trabalho.

    Documentário Quatro anos de Gentalha já na rede!

    A Gentalha do Pichel Centro Social O Pichel Loja da Gentalha

    CONTACTO

    ENDEREÇO: rua santaclara, 21, compostela

    HORÁRIO do centro social

    E-MAIL: gentalhadopichel [arroba] gmail [ponto] com

    TELEMÓVEL:698142936

    AGENDA DE EVENTOS

    Ligaçons

    Portal Galego da Língua Sinaliza


    A Gentalha participa em:

    Plataforma Galega Anti-transgênicos GALIZA NOM S€ VENDE


    Entidades associadas ao Pichel:

    Akalimera Cineclube de Compostela Novas da Galiza Associaçom Galega da Língua


    Centros Sociais:

    Arrincadeira Aguilhoar - Ginzo de Límia Almuinha - Marim Fundaçom Artábria - Ferrol Aturujo - Local Social - Boiro Baiuca Vermelha - Ponte Areias A Casa da Estacion - Ponte D'Eume Cova dos Ratos - Vigo Local Social A Esmorga de Ourense Local Social Faísca - Vigo Foucelhas - Ordes O Fresco - Ponte Areias C.S. Gomes Gaioso - Corunha Henriqueta Outeiro - Compostela MadiaLeva-Lugo ReviraVolta - Ponte Vedra A Revolta - Vigo Sociedade Cultural e Desportiva do Condado - Salvaterra de Minho A Tiradoura - Reboredo (Cangas) A Treu - Corunha

    Busca

    O blogue do Apalpador

    powered by b2evolution