A Gentalha do Pichel estivo durante 3 anos aprendendo tradiçons nas montanhas do leste da galiza para estrear este documentário do Apalpador.
Temos dezenas de gravaçons, todas juntinhas, que conformam umha mostra verídica e carregada de humanidade da nossa mais genuina tradiçom de inverno. O Apalpador é um invento, um invento milenar que emana das memórias graníticas da nossa terra. Inventamos o Apalpador a cada inverno, a cada folerpa. inventamo-lo e reinventamo-lo desde antes que tu nascesses. Copiamos esta tradiçom do Pai-Natal; do Esteru, do Olentzero, do Sam Nicolau, do Julemanden, do Ded Moroz e do Joulupukki... e eles copiárom a nossa. Copiamos todinho com papel de calco. Copiamos há mil anos nos espelhos da faixa atlántica europea.
Na Galiza urbana do segundo milénio, umhas poucas resistentes configurárom o sujeito da mais recente reinvençom do Apalpador.