O músico, escritor, jornalista e basicamente divulgador da cultura galega, o polifacético Xurxo Souto, participou onte na primeira sessom da homenagem ao fundador dos matraquilhos promovida polo Centro Social Henriqueta Outeiro.
Numha intervençom breve mas cargada de anedotas relatou as lembranças das conversas que mantivo com Alexandre Fisterra, a quem definiu como umha "mistura entre Valle Inclán e Corto Maltês".

Qualificou com a sua habitual veemência ao fisterrám como umha pessoa tremendamente optimista, brilhante e de ingénio extremo, e com o seu verbo fluido relatou boa parte do percurso vital que após a derrota da II República espanhola o conduziu ao exílio francês e posteriormente a percorrer diversos países centroamericanos até o seu estabelecimento no México onde logrou pôr em andamento os seus dous grandes projectos vitais: criar umha editora e umha fábrica de brinquedos.
Xurxo Souto lembrou a contribuiçom de Alexandre Fisterra à divulgaçom da cultura galega e reivindicou o carácter popular e colectivo dos matraquilhos, mencionando aquele sucesso fictício ou verídco que o escritor Mia Couto relata num dos seus romances. Os jogadores dos matraquilhos dum cafê que utilizavam as tropas colonialistas portuguesas em Moçambique apareciam cada noite pintados de preto. Ao dia seguinte novamente eram pintados de branco. Perante a impossibilidade de combater este acto "subversivo" os portugueses decidírom fusilar o matraquilhos.

Fianalmente Xurxo Souto manifestou a necessidade de editar os dous volumes da densa autobiografia do Alexandre Fisterra e algumha das obras que editou sob o selo de "Colección Finisterre", agradecendo ao CS Henriqueta Outeiro por esta iniciativa.