Desde há umhas semanas, as pessoas participantes na Assemblea Aberta do Centro Social Henriqueta Outeiro vimos definindo o que agora fazemos público: a constituiçom do Centro de Estudos Marxistas.

Continua:

É com a primeira juntança de debate e análise convocada para o vindouro dia 23 que se dá início a esta ambiciosa proposta de encontro, nem só entre a militáncia do Movimento de Libertaçom Nacional Galego -a quem o propomos com especial ênfase-, mas aberto a todas as pessoas interessadas em achegar-se a algumha das citas que a partir desta primeira se continuarám a convocar.

A Assembleia Aberta coida que no marco deste Centro de Estudos Marxistas deveremos fazer converger, para o interesse e formaçom de todos e todas, posicionamentos distintos que dem lugar ao debate, a crítica e a conscientizaçom teórica como ferramenta fundamental de intervençom revolucionária.

Informaremos proximamente dos conteúdos do primeiro encontro, assim como a hora exacta em que se iniciará. Também será em breves que colaremos no nosso blogue o documento elaborado com o galho desta cita e que servirá de referência.
Adiantamos por enquanto que o militante independentista André Seoane foi convidado para guiar a primeira juntança arredor do Manifesto Comunista como texto base para enfrentarmos as numerosas perguntas que giram arredor do conceito de marxismo.

Convidamos-vos a ficar atentos/as e a participardes em quantas citas do Centro de Estudos Marxistas gostedes de assistir.