O Centro Social Henriqueta Outeiro acolheu o IX Jantar Revolucionário, desde este curso celebrado às noites de sextas ou sábados como ceias.

Como nom podia ser doutro jeito no contexto em que decorreu, a homenagem rendemo-la a Palestina, essa naçom negada polo imperialismo que se passeia polo mundo. Umha jovem galega de raízes cisjordanas facilitou a preparaçom dumha ementa baseada na comida popular deste país árabe. As nossas chefas e chefes de cozinha figérom mais umha vez um esforço de prática gastronómica que satisfijo com sucesso as bocas das pessoas assistentes. Humus, Maqnufa e Kunafa: umha aproximaçom à cultura palestiniana.

Na cabeça de todos e de todas, os milhares indeterminados de vítimas por morte, assédio, doenças, lessons, violaçons... das quais só umha pequena porçom tivo cabimento nos media. Um holocausto no presente que condena ao passado Auschwitz, e que nos obriga a reagir criando poder popular, desde pequenas assembleias como as do nosso centro social, para construír umha alternativa socialista e antipatriarcal ao caos sistémico.

Manifestaçom o 18

O Centro Social Henriqueta Outeiro aderiu, de resto, à marcha convocada dous dias a seguir à ceia de que falamos. Domingo 18, a nossa cidade, como capital do País, acolheu milhares de pessoas mobilizadas para berrar em galego e em árabe "lume ao sionismo; adiante a resistência dos Povos".
Como mais um colectivo, somamos a nossa identidade à listagem de apoiantes da marcha de Galiza Por Palestina.