A organizaçom política Nós-Unidade Popular vem de fazer pública a homenagem a Henriqueta Outeiro como conteúdo da nona ediçom do Dia da Galiza Combatente. Esta jornada de reivindicaçom patriótica e rebelde fora instaurada com motivo do seu nascimento, a começos da década. Desde entom, o 11 de Outubro foi medrando aos poucos na sua repercusom mediática e, também, na dimensom dos seus actos.

O Centro Social Henriqueta Outeiro, sediado na capital do País, quer expressar a sua evidente satisfaçom polo tributo à memória que a esquerda independentista realizará em apenas um mês, homenageando a que foi, é, e será responsável da nossa identidade. Nom apenas nominal, mas também ética.

Henriqueta Outeiro é para nós a expressom da "ciência do exemplo", do socialismo enervado no compromisso durante toda umha vida dumha mulher nascida na Galiza ultracatólica, machista e fascista do sêculo passado. Umha mulher militante, entregada à causa do comunismo como meta da humanidade, que bem se expressou naquela frase sua: "Enquanto me ficar um rescaldo de vida, hei-na de utilizar para favorecer a sociedade, que é o ideário máximo de todo comunista".

O Centro Social agradece este gesto, e anuncia que foi aceite o convite da entidade convocante para participarmos como Centro Social, na sua paróquia natal de Miranda, em Castro Verde, onde interviremos junto com outros colectivos.