A Fundaçom Artábria vem de organizar umha homenagem nacional à insigne figura do reintegracionismo lingüístico que, desde as terras de Trasancos, levou o nome da recuperaçom lingüística ao seu mais alto estadio, e legou-nos umha coerência e umha teoria exemplar para postular a nossa língua como genuinamente galega, e nom espanhola.

E como galega lingüisticamente; portuguesa, lusófona... Internacional!

Estamos aos 20 anos da morte e os 100 do nascimento do autor e professor ferrolám. Um momento idóneo para juntar-nos à volta da sua obra e do seu vivo recordo entre nós, a comunidade galegófona reintegracionista, cada vez maior, que é fruto da sua semente.

Do Centro Social Henriqueta Outeiro, como amigas e amigos da Fundaçom Artábria, como mais um Centro Social continuador do seu exemplo de vitalidade para umha urbe espanholizada, sugerimos desde o nosso portal a leitura do comunicado e a sucessom de actividades previstas para a jornada do 27 de Março, este sábado.

Todos e todas quem podades, achegai-vos a Ferrol!

Este sábado decorreu a terceira sessom do Centro de Estudos Marxistas, desde que este ano recomeçara a sua actividade dirigida à formaçom e e debate no seio da Compostela de esquerdas e independentista.

Por fim pudemos fechar, com a segunda parte, a dupla jornada sobre "História, ideologias e programas da esquerda independentista galega (EIN) desde 1964.

Agradecemos todas as pessoas participantes o seu interesse e achegas, que de seguro continuarám no imediato.

Estamos pois na hora de encetar umha quarta sessom, que nom demorará muitas semanas.

A ler, luitar e debater!

Nova ceia! Agora será o líder da revoluçom chinesa, Mao Zedong, quem será lembrado no nosso local com a realizaçom dumha ementa de comida chinesa na honra dos milhons de chineses e chinesas que se sacudírom o jugo imperialista de numerosas potências e tentárom experimentar o caminho da revoluçom nacional.

Na pouca conhecida história do grande país assiático, procuraremos abrir um oco para o conhecimento duns acontecimentos históricos singulares e que determinárom a escala internacional o porvir, o presente, da esquerda socialista e comunista.

A ementa desta ocasiom será:
- Creme de cabaça ao curry
- Porco agridoce com verduras e arroz basmati
- Peras confeitadas ao gengibre
- Chá chinês

Lembra: esta sexta-feira, dia 26. A partir das 21,30 horas

Umha galega. A mugardesa Amada Garcia, fusilada no aquartelamento militar de Sam Filipe em Ferrol recém triunfado o golpe de estado franquista, receberá um tributo por parte dos e das sócias do Centro Social.

Queremos contribuir para a recuperaçom de pessoas que, como no caso da jovem vizinha trasanquesa, perdêrom a vida por ameaçar os interesses da burguesia. Em apenas dous dias, as vilas costeiras de Ares e Mugardos recebêrom a condena a morte de 37 vizinh@s. Entre elas, Amada Garcia.

Umha galega de cuja memória apenas existem reivindicaçons. A sua curta vida, e a sua actividade num pequeno concelho da Galiza mantenhem a opacidade sobre umha líder natural, distinguida polo seu fervor autodidacta numha época de acentuada exclusom sexual.

Será a XVIII Ceia revolucionária. Assiste!

A partir de amanhá, segunda-feira dia 11, as portas do local de Quiroga palácios volverám estar abertas no seu horário habitual.

De segundas a sextas, ambas incluídas, entre as 19 e as 23 horas.
Nom duvidedes em passar-vos para quecer um espaço à margem do frio invernal compostelám.

Para finalizar todo um ano de encontros gastronómicos à volta de senlheiras figuras da política nacional e internacional, Alexandra Kollontai recebeu umha homenagem entre pratos e bebida bem elaborados.

Umha vintena de sóci@s encontrárom-se no local entre dípticos informativos sobre a revolucionária russa. Umha companheira expujo-nos algumhas ideias sobre ela.

Encerramos assim o 2009 de Jantares Revolucionários do Centro Social Henriqueta Outeiro.

Recém começado o 2010, polo qual a todos e todas parabenizamos, prometemos-vos e convidamos-vos a outros encontros gastronómicos regados de política.

Decorreu com intensidade umha nova jornada de formaçom preparada polo Movimento de Libertaçom Nacional Galego, na sua habitual utilizaçom do nosso local para o desenvolvimento do seu projecto político.

O Centro Social alegra-se de poder oferecer as suas instalaçons em jornadas de nom abertura (sábados, domingos e feriados) para acolher numerosas pessoas que mantenhem com vida o local.

Desta volta foi o segundo encontro do Centro de Estudos Marxistas, intitulado "História e Ideologia da Esquerda Independentista galega". Este novo capítulo de formaçom e discussom foi dividido pola sua carga em duas sessons, a primeira das quais tivo lugar este passado sábado.

A Assembleia Aberta do Centro Social, responsável pola organizaçom destes encontros, quer lembrar que embora nom tenhem carácter aberto, sim som de recomendável e possível seguimento para todas as pessoas amigas, simpatizantes e próximas quer ao Centro Social, quer ao Movimento que se encarrega da sua ministraçom.

Em Janeiro decorrerá a segunda parte deste encontro, ao qual esperamos que gostedes de aderir e enriquecer com a vossa presença e participaçom.

Adiante a formaçom!
Sem cancelas para o debate!

Durante as férias de Inverno, o Local Social nom será aberto. As três semanas até o reinício das aulas, da vida académica na cidade capital, serám de momentáneo suspenso da actividade de aulas, encontros, jantares e demais actividade.

Lamentamos nom poder compartilhar a viragem do ano à volta da Henriqueta Outeiro. Mas recuperaremos a iniciativa com plena normalidade e regularidade a partir do dia 11, segunda-feira, de Janeiro.

A XVII Ceia Revolucionária do Centro Social será em lembrança de Alexandra Kollontai. Mulher militante desde a mocidade até a morte, simpatizante dos ideiais comunsitas de Marx e as linhas emancipadoras propostas por Rosa Luxemburgo. Kollontai foi umha das primeiras mulheres a convocar comícios especificamente dirigidos para as mulheres trabalhadoras da cidade operária de Petrogrado.

Experimentou a política desde as fileiras bolcheviques e mencheviques, foi eleita membro do Comité Central das primeiras no seu VI Congresso e mesmo integra-se na Assembleia Constituinte posterior à Revoluçom de Outubro como comissária para assuntos sociais.

Por ser umha das primeiras mulheres que se abrírom passo entre o masculinizado mundo do proletariado revolucionário, erguendo o punho e a palavra e conseguindo ser escuitada e valorizada polo seu exemplo, representa para nós um modelo humano a seguir.

Paco e ajudantes de cozinha elaborarám na sua memória umha ementa russa que será do gosto de todas aquelas pessoas que queirades achegar-vos para estar em boa companha e quecer o corpo nestas frias noites de Inverno com um delicioso jantar.

- Aperitivos de rábano
- Vodkatiny
- Solmbos strogonov com basmati
- Blinis de maçá confitada e tofe

Lembra, sexta-feira dia 18 a partir das 21,30 horas!!