Como cada ano com o motivo do Dia das Letras, a Fundaçom Artábria organiza umha jornada lúdico-reivindicativa a próxima sexta-feira 18 de maio.

Às 20.00h terá lugar a Ruada, que sairá da Praça do Hino Galego e rematará no nosso Centro Social após percorrer o bairro da Madalena.

A seguir, às 22.30h será o tempo da música, nesta ocasiom com as atuaçons de Roger de Flor e o Marquês das Vinhas e o punk-rock dos trasanqueses Os Indesexables.

Já no domingo 20 de maio, a Praça de Rosalia de Castro, em Sam Joam de Filgueira, será o cenário da Homenagem popular a Rosalia. A Fundaçom Artábria, somando-se a outros coletivos vicinais, culturais e sociais, apela à participaçom neste ato, que decorrerá às 12 do meio-dia e a carom do monumento à grande escritora e patriota.

Em Trasancos, em galego!
Na Galiza, em galego!

No passado dia 28 de abril diversas entidades que trabalhamos pola defesa da nossa língua decidiamos numha junta aberta, e convocada em regime de autoconvocatória, que o reintegracionismo de base tinha que visibilizar-se na manifestaçom nacional que decorrerá no dia 17 de maio, Dia das Letras, nas ruas de Compostela.

Leia mais »

O nosso Centro Social acolherá a apresentaçom do livro 'Herdeiros pola forza', elaborado polo arqueólogo Xurxo Ayán e o jornalista Manuel Gago. Será na vindeira quinta-feira, 10 de maio às 20 horas.

Leia mais »

Como cada ano por estas datas, a Fundaçom Artábria junto com a Associaçom Vicinal de Esteiro, organizamos a elaboraçom dos Maios no bairro. Será o próximo sábado, 5 de maio às 11.30h na Praça do Hino Galego.
Podedes trazer as vossas flores, verde e froitas para ajudar a decora-lo. Anima-te!

Leia mais »

No vindeiro sábado, 28 de abril, celebraremos no nosso Centro Social a Revoluçom de abril com umha ceia de confraternizaçom. A ementa para a ocasiom estará composta de petiscos com produtos típicos de Portugal, arroz com polo e patacas, vinho, água e de sobremesa pasteis de Belém.

O preço por pessoa será de 8€. Podes apontar-te até sexta-feira escrevendo para o correio-e: correiodeartabria@gmail.com ou bem no Café-bar do nosso Centro Social.

Caras e caros,

Desde a Fundaçom Artábria, consideramos importante promover umha reuniom dos coletivos e centros sociais reintegracionistas, para decidirmos conjuntamente várias questons referentes ao 17 de maio.

Dada a urgéncia do assunto, decidimos marcar, em regimem de autoconvocatória, umha juntança para o próximo sábado 28 de abril, às 11.30h, no Centro Social do Pichel, em Compostela e com a seguinte ordem do dia:
- Manifestaçom 17 de maio como Bloco Laranja
- Vários.

Aguardando a vossa presença, recebei umha saudaçom da Fundaçom Artábria.

Ferrol, na Terra de Trasancos, 22 de abril de 2012.

O Arquivo Digital da Academia Galega da Língua Portuguesa acaba de pôr a disposiçom das usuárias a dupla palestra Castelao e Sempre em Galiza cinquenta anos depois por Elvira Souto e Jenaro Marinhas del Valle. Organizada pola Associaçom da Língua Artábria no ano 1994 e enquadrada dentro das Jornadas O Reintegracionismo na tradiçom cultural galega.

O material disponível, filmado polo companheiro Alexandre Peres e doado pola Fundaçom Artábria, inclui a palestra, apresentada por Maurício Castro e que decorreu na antiga sede da Galeria Sargadelos em Ferrol, em formato de áudio como também de vídeo.
Convidamos a descarregar este interesantíssimo documento do Arquivo Digital premendo cá [+]

A próxima quarta-feira, 25 de abril, decorrerá na Fundaçom Artábria umha palestra ministrada por Carlos Casanueva, secretário-geral do Movimento Continental Bolivariano, e que levará por legenda "A revoluçom bolivariana e a luita revolucionária na América Latina".

A Fundaçom Artábria, como entidade internacionalista, quer dar a conhecer com esta palestra informaçom de primeira mao dos atuais processos revolucionários na Pátria Grande de Bolivar. O ato começará às 20.30hs.

Leia mais »

Na vindeira quinta-feira, 12 de abril, poderemos desfrutar no nosso Centro Social da música de influência medieval do grupo Pan de Capazo. A entrada será gratuita e a atuaçom começará pontualmente às 22hs.

Leia mais »

Nas próximas quarta, quinta e sexta-feira, 4, 5 e 6 de abril respetivamente a partir das 18hs, celebraremos no nosso centro social o Obradoiro de Malabares, ministrado polo companheiro Pablo Fernandes, do Movimento 15M e dirigido a afecionadas e interessados no mundo circense e dos jogos de malabarismo.

Leia mais »