Numha mui interessante palestra o médico palestiniano Mohamed Saffa falou sobre Palestina. A sua exposiçom aberta com dados que som ocultos polos donos dos médios de comunicaçom maciços do País e do Estado, seguindo as directrizes emanadas desde o coraçom do sionismo internacional,serviu para os assistentes ter umha leitura mais veraz sobre o drama da Naçom Palestina.
A palestinidade leva-se como compromisso pola tragédia que vivemos como povo. Esta constante Nasbash contra umha um povo indefenso e abandonado por todos os poderes que lhe entregam a um grupo religioso de gente de mais de 180 países falando mais de 90 línguas diferentes um território obrigando ao povo que o habita a se exilar ou perecer num extermínio planeado.
Escuitar a charla do doutor Saffa sobre o sofrimento heróico do povo palestiniano enche de carragem contra tanta barbárie consentida polos grandes poderes mundiais.
Recomendo-os que abrais a chave e ouvir as palavras do povo palestiniano falando por boca de Mohamed Saffa, farám-vos mais humanos.

Agrupaçom Cultural O Facho
Rua: Frederico Tapia 12-1º-C
15005 A Corunha

A Agrupaçom Cultural O Facho de A Corunha convida-o assistir aos seus ciclos de palestras públicas do período 2008-2009

Palestra

O vindouro dia 28 de Maio, terça (MARTES), D. Mohamed Saffa intervirá dentro do ciclo, Economia, História, e Realidade Social. A sua palestra versará sobre: Palestina vista desde Galiza”

Mohamed Saffa é médico oftalmologista a exercer profissionalmente em Cee e da causa nacional da Palestina, foi representante da OLP no nosso País nos anos 90. Desde os seus anos de estudante em Compostela o seu compromisso com a causa palestiniana é a sua constante existencial. Assim mesmo é escritor e articulista de jornais.

O conferenciante falará da dimensom do genocídio que esta a viver desde décadas o povo palestiniano.

Dia: 28 de ABRIL do 2009 - Hora: 8 do serám
Local: Fundaçom Caixa Galiza
R/ Médico Rodrigues – A Corunha

J. Alberte Corral Iglesias
Secretário d’O Facho

O passado dia 15 de Abril, quarta-feira (mércores), o escritor e historiador, José Manuel Barbosa, interveu dentro do ciclo, Língua, Literatura e Naçom. A sua exposiçom versou sobre: O surgimento da língua galego-portuguesa no NW peninsular. A charla foi ilustrada com mapas visualizados para que o público assistente fizesse umha ideia cabal tanto do nascimento do galego como do seu processo evolutivo.

A palestra do historiador Barbosa foi seguida com grande interesse polos assistentes ao acto e podemos afirmar sem nengumha dúvida que para muitos dos mesmos as teses sustidas foi umha grande novidade.

Podedes ouvir esta e as anteriores palestras neste endereço:
http://agal-gz.org/blogues/index.php/ofacho

Agrupaçom Cultural O Facho
Frederico Tapia 12-1º
15011 A Corunha

A Agrupaçom Cultural O Facho d’A Corunha convida-o assistir aos seus ciclos de palestras públicas do período 2008-9


Palestra

O vindouro dia 15 de Abril, quarta-feira (mércores), o escritor e historiador, José Manuel Barbosa, falará dentro do ciclo, Língua, Literatura e Naçom. A sua charla versará sobre: O surgimento da língua galego-portuguesa no NW peninsular.

O historiador José Manuel Barbosa, actualmente é conselheiro da Associaçom Galega da Língua. Desde 2008 faz parte da Academia Galega da Língua Portuguesa (AGLP). Entre as suas angueiras está de ser um grande activista no eido da cultura:

Organizador do I Ciclo de Cultura Galega dentro da qual se arranjárom as I Jornadas de História de Galiza em 2003. Organizador e professor de cursos de galego em várias cidades e vilas de Galiza desde 1985. Organizador de várias representaçons de obras teatrais como "Quanto vales tu, meu tentador" de Joel R. Gomes, e as Jornadas de Jogos populares de Riba d'Ávia. Colabora em publicaçons periódicas galegas e portuguesas (Agalia, La Región, etc...)

Possui também umha interessante obra publicada:
• Curso Prático de Galego
• Ámago/Magoa (livro de poesia em parceria com Roi Brâs)
• Bandeiras da Galiza (Estudo vexilológico das bandeiras da Galiza no transcurso da história)
• Atlas histórica da Galiza

Dia: 15 de Abril do 2009 - Hora: 8 do serám
Local: Fundaçom Caixa Galiza
Cantom Grande - A Corunha

Podedes ouvir as palestras neste endereço: http://agal-gz.org/blogues/index.php/ofacho


J. Alberte Corral Iglesias
Secretário d’O Facho

Agrupaçom Cultural O Facho
Rua: Frederico Tapia 12-1º
15005 A Corunha

Dentro do ciclo de conferências organizado polo Facho intitulado “Economia, História, e Realidade Social“ , o dia 2 de Abril, quinta-feira (jóves), o professor e investigador, Carlos Taibo, dissertou sobre: O Estado e o nacionalismo espanhol.

Carlos Taibo, encetou dizendo que fazia três anos um grupo de quinze professores coordenados por ele tentárom publicar um livro sobre o nacionalismo espanhol foi enviado a meia dúzia de editoriais de sona, rejeitarom-no por descomedido, até que finalmente foi publicado por umha pequena editora. Assim como mencionou que os convites para falar do nacionalismo espanhol contam-se com os dedos dumha mao.

A palestra desenvolveu-se a partires de três ideias. A primeira é o interesse em muitíssimas pessoas em negar a existência do nacionalismo espanhol, como se este desaparecesse com a morte do tirano. Porém o discurso nacionalista espanhol é omnipresente tendo os seus piares: na sacralizaçom da monarquia, na presença abusiva da Eireja católico romana, nos médios de comunicaçom, no exercito, nas instituiçons políticas.
Com umha exposiçom clara e diáfana seguiu desenvolvendo a palestra, que recomendamos a sua audiçom.

Ao findar a sua palestra, o conferencista mantivo um gostoso debate com o público assistente.

Agrupaçom Cultural O Facho
Frederico Tapia 12-1º
15011 A Corunha

A Agrupaçom Cultural O Facho d’A Corunha convida-o assistir aos seus ciclos de palestras públicas do período 2008-9

Palestra

O vindouro dia 2 de Abril, quinta-feira (joves), o Professor e investigador, Carlos Taibo, falará dentro do ciclo: Economia, História, e Realidade Social. A sua palestra versará sobre: O Estado e o nacionalismo espanhol.

Carlos Taibo é Professor de Ciência Política e da Administraçom na Universidade Autónoma de Madrid, onde também tem dirigido o programa de estudos russos do Instituto de Sociologia das Novas Tecnologias. É membro do Conselho Editorial da revista de pensamento critico “Sin Permiso” desde sua fundaçom. É um firme activista do movimento antiglobalizaçom.

A sua obra investigadora é recolhida em diversos livros tanto em galego como em castelám.
Em galego cabe sublinhar:
O castelo de fogos. Nove ensaios sobre ou porvir da Europa do Leste, Europa sen folgos, Un novo Terceiro Mundo, A desintegración de Jugoslávia, Império norte-americano e capitalismo global, Misérias da globalización capitalista, Fendas abertas: Seis ensaios sobre a cuestión nacional.
Entre a sua obra publicada em castelám salientamos:
La desintegración de Yugoslavia, Guerra en Kosova: Un estudio sobre la ingeniería del odio, El conflicto de Chechenia, Las fuerzas armadas en la crisis del sistema soviético, Crisis y cambio en la Europa del Este, Rapiña global, y Sobre política, mercado y convivencia; en colaboración con el economista e escritor José Luis Sampedro.

Dia: 2 de Abril do 2009 - Hora: 8 do serám
Local: Fundaçom Caixa Galiza
Cantom Grande - A Corunha