Arquivos para: Março 2012

O FACHO; “Galiza no contexto mundial” por Artur Alonso Novelhe -

21-03-2012

Artur Alonso fixo un percorrido pola historia económica mundial, para analizar as características propias de Galiza no contexto global.
Galiza debe aproveitar as suas características máis singulares e sairá con éxito da crise:
"O galego é unha lingua internacional, que nos conecta con Portugal, Brasil, Angola, Mozambique..
Formamos parte do mundo celta.
Se o centro do mundo económico é o Atlántico Norte, aí é onde estamos nos. Non somos periferia senón centro.
Crear “marca propia” baseada na posta en valor das diferencias. Aproveitar a tecnoloxía, a formación dos nosos técnicos, a paisaxe, a gastronomía.."
Como sempre ao findar a sua exposición o conferenciante mantivo un colóquio co público asistente.

O FACHO; Artur Alonso Novelhe - “Galiza no contexto mundial”.

16-03-2012

Agrupación Cultural O Facho

Federico Tapia 12-1º

15011 A Coruña

A Agrupación Cultural O Facho de A Coruña convídao a asistir aos seus ciclos de palestras públicas do período 2011-12

Palestra

O vindeiro dia 20 de Marzo, martes, ás 8 do serán o escritor, Artur Alonso Novelhe, falará dentro do ciclo “Língua, Literatura e Naçom”, coa exposición titulada “Galiza no contexto mundial”. O acto celebrarase na R. Academia Galega, Rúa Tabernas n. 11 – Cidade Vella – A Coruña.

Artur Alonso é escritor e funcionario do Servizo Galego de Saúde (SERGAS); na súa mocidade participou en asociacións culturais e de traballo social como “Meendinho”, de solidariedade como “COSAL” (Comité de Solidariedade con América Latina), e deportivas como “Arranjar”.

Como escritor e poeta ten publicado tres libros “Entre os teus olhos”, “Uma meixela depois a outra” e “Filhos da Brêtema”, o mais recente en edición bilingüe galega e catalá. Así como o libro colectivo “Dez x Dez” da editorial Abrente.

Foi gañador do XVIII Premio de Poesía “Feliciano Rolán”, no ano 2004, e Mención especial no XXVI Premio Mundial da Poesía Nosside, do ano 2010.

Participou en numerosos certames poéticos da nosa terra e do norte de Portugal; é membro do Club dos Poetas Vivos, onde ten participado en numerosos recitais poético musicais.

Colabora con xornais e revistas dixitais, onde publica artigos de opinión de diversa temática política, lingüística e cultural. No ano 2010 participou no III Congreso Internacioal de Estudos Celtas, coa palestra: “Galiza: ponte das relaçoes culturais atlânticas”

É membro numerario da AGLP ( Academia Galega da Língua Portuguesa) e Secretario do IGEC (Instituto Galego de Estudos Celtas).

Dia: 20 de Marzo- Hora: 8 do serán

Local: R. Academia Galega

R/ Tabernas nº 11- Cidade Vella – A Coruña

O FACHO: “Mulleres proletarias na Coruña a comezos do século XX” por Ana Romero Masiá

07-03-2012

O pasado dia 6 de Marzo, a Catedrática de Xeografía e Historia no Instituto Monte das Moas da Coruña, Ana Romero Masiá, falou dentro do ciclo “Língua, Literatura, e Naçom”, coa exposición titulada “Mulleres proletarias na Coruña a comezos do século XX”. O acto celebrouse na R. Academia Galega, Rúa Tabernas n. 11 – Cidade Vella – A Coruña.
A profesora espuxo a sua moi interesante palestra apoiandose en fotografias e textos para mellor comprender o “penible” traballo da muller, tanto nas fábricas que se foron instalando no País, como noutros traballos gremiais realizados fora do fogar.
Como sempre ao finalizar a sua exposición a conferenciate mantivo un colóquio co público asistente.

Enlace a presentación
http://www.youtube.com/embed/2hNzFle_PcA"

O FACHO: Ana Romero Masiá- “Mulleres proletarias na Coruña a comezos do século XX”

03-03-2012

Agrupación Cultural O Facho
Federico Tapia 12-1º
15011 A Coruña

A Agrupación Cultural O Facho de A Coruña convídao a asistir aos seus ciclos de palestras públicas do período 2011-12

Palestra
O vindeiro dia 6 de Marzo, martes, ás 8 do serán a Catedrática de Xeografía e Historia no Instituto Monte das Moas da Coruña, Ana Romero Masiá, falará dentro do ciclo “Língua, Literatura, e Naçom”, coa exposición titulada “Mulleres proletarias na Coruña a comezos do século XX”. O acto celebrarase na R. Academia Galega, Rúa Tabernas n. 11 – Cidade Vella – A Coruña.
Ana Romero é licenciada en Historia Antiga e Historia da Arte pola Universidade de Santiago e Doutora en Humanidades pola Universidade da Coruña.
Ademais da súa actividade docente, desenrola unha actividade investigadora en tres áreas:
1. Arqueolóxica; como membro da sección de Arqueoloxía e Prehistoria do Instituto “Padre Sarmiento” do CSIC, dirixiu as escavacións no castro de Borneiro entre 1980 e 1989. Relacionados con este ámbito ten distintos traballos publicados.
2. Didáctica- pedagóxica; formou parte de numerosos grupos de innovación pedagóxica dos que xurdiron distintas publicacións
3. Historia Contemporánea; con publicacións individuais e en colaboración. Entre as primeiras: A Fábrica de Tabacos da Palloza(1997); Severino Chacón, líder sindical do mundo do tabaco(2003); A Coruña liberal(2005); A represión franquista na Fábrica de Tabacos da Coruña(2005).
Foi poñente/ relatora en múltiples cursos de carácter didáctico e participou en numerosos congresos.


Dia: 6 de Marzo- Hora: 8 do serán
Local: R. Academia Galega
R/ Tabernas nº 11- Cidade Vella – A Coruña

Agrupaçom Cultural O Facho

Agrupaçom Cultural O Facho existe desde o ano 1963 . Nasce da vontade conjunta de umha vintena de estudantes, trabalhadores e profissionais liberais d’A Corunha.
+ info

Agrupaçom Cultural O Facho
Rua: Federico Tapia 12-1º
15005 A Corunha
o_facho_a_cultural@yahoo.com.br

Ligações

Busca

Ferramentas do usuário

Feeds XML

powered by b2evolution