Vídeo-reportagem realiçado por Galiza Contrainfo das primeiras Olimpíadas Populares Galegas celebradas na passada fim-de-semana (21 e 22 de maio) em Riba d´Ávia.

Pincha na imagem para ligar com a galeria de fotografias.

A vindoura fim de semana, nos dias 28 e 29 de Maio, a Agrupaçom de Montanha Aguas Limpas homenageará ao recententemente falecido Martinho, com um roteiro pola serra do Invernadoiro. Visitará-se o Acampamento Aguas Limpas, no que Martinho estivo na década dos 80 durante a sua militância no Exército Guerrilheiro do Povo Galego Ceive.

Escolheu-se o mês de Maio para fazer este roteiro fazendo-o coincidir com o XXIII aniversário da sua detençom e as das suas companheiras em 1988.

Saira-se às 10:30 da manhá de Campo Becerros (Castrelo do Val), fazendo um percorrido total de 14km. Será umha rota de dificuldade meia-alta. Aconselha-se levar calças longas, comida, saco-cama e tenda de campismo para fazer noite, a parte de outros útiles que poidam ser necessários (garrafa para água, sombreiro, navalha....).

Por questons organizativas apenas poderam participar 30 pessoas, polo que se fai necessário que vos apontedes antes no correio de AMAL: aguaslimpas@gmail.com, no que também vos informarám de mais detalhes.

Desfrutade deste maravilhoso trabalho que figerom com a caixinha de música na que soa o hino proletário @s companheir@s de Galiza Contrainfo.

Achegamos reportagem realizada por Galiza Contrainfo da manifestaçom de Galiza Non Se Vende do passado sábado 8 de Maio em Compostela, com entrevistas a membros dalguns dos diversos colectivos que componhem esta rede pola defesa da terra. Fotogaleria.

Com motivo da celebraçom do dia das Letras Galegas no 17 de maio desde Causa Galiza e com a colaboraçom de CS Faísca, CS Revolta e Escola Popular Galega organíza-se umha jornada pola língua o sábado 14 de maio.

A jornada começara com umha palestra na Escola Popular Galega sobre Língua e identidade nacional e seguira com um debate sobre a pluralidade normativa com as intervençons de Xiao Roel (filólogo e poeta) e Carlos Garrido (presidente da comissom lingüística da AGAL). Continuara-se com um recital poético no CS Revolta e rematara com umha ceia popular, preço 8?.

O Foro da Mocidade de Vigo convoca para esta quinta-feira dia 12 de maio umha greve no ensino meio e manifestaçom (12h00 desde a Pça. das Travesas), POR UM ENSINO EM GALEGO!

Por quê?

-Porque temos o direito a estudar na nossa língua própia, é o símbolo que nos define como povo e a nossa maior herança cultural, a qual é menospreciada polas instituçons.

-Porque é inadmisível que a nossa língua esteja em umha situaçom de desprotecçom respeito a outras línguas extranjeiras no seu própio território.

-Porque o galego é umha língua minorizada e malia a ser nossa, é rejeitada e relegada a umha segunda linha polas instituiçons galegas.

-Porque cremos que som necessárias umhas políticas de inmersom lingüística no ensino para assim contrarrestar mínimamente a pressom social exercida polo espanhol na Galiza.

-Porque a nossa língua tem um potencial enorme, a través da lusofonía chega a máis de 250 milhóns de falantes em todo o mundo, mas a administraçom da-lhe as costas a esta realidade e dificulta, impedindo na medida do possível o avance da alternativa reintegracionista.

O vindouro sábado dia 14 de maio terá lugar umha juntança de escalador@s na serra do Galinheiro com o propósito de divulgar a escalada em rocha e o conhecimento da flora, fauna e lendas da serra com um roteiro polo Galinheiro. Mais informaçom sobre a protecçom da serra do Galinheiro.

Hoje, 2 de maio de 2011, após quatro anos e nove meses de cativeiro e depois de ter sido dispersado polos cárceres de Navalcarnero, Soto del Real, Cáceres e Puerto de Santamaria, nesta manhá o militante independentista Ugio Caamanho  abandonava a prisom de Dueñas, Palencia. Familiares e amigos do ex-preso independentista aguardam-no às portas da cadeia. Momentos depois tomavam rumo à Terra.

O organismo ceivar prepara um recebimento popular em Compostela para o vindouro dia 7. Será às 20:30h na Praça do Toural.

Natural da comarca compostelana começa de mui novo a tomar consciência em ambientes nacionalistas e independentistas. Passando a se organizar na, ainda recém criada, Assembleia da Mocidade Independentista, da qual será umha das suas cabeças visíveis e envolvéndo-se em diferentes projectos de defesa da Terra, desde o estudantil em EI (Estudantes Independentistas) nomeadamente na Universidade de Compostela onde estudou Económicas, a defesa da língua, meio-ambiente, no vizinhal, e passa a ser um dos fundadores do Centro Social A Fouce, de Ames. Também formou parte de outros projectos políticos como Nós-Unidade Popular.

Foi detido em 2005 acusado de um ?delito de estragos terroristas? por umha sabotagem numha sucursal de Caixa Galicia em Santiago de Compostela nas vésperas do Dia da Pátria Galega do mesmo ano, sendo encarcerado sobre aplicaçom da legislaçom anti-terrorista, trasladado a Madrid à Audiência Nacional e posteriormente dispersado a diferentes cárceres espanholas, onde será submetido a isolamento permanente e aplicando-lhe todas as excepçons penitenciárias.

Julgado em 2008, junto com Xiana Gómes, sai em liberdade ao ter cumprido más da metade da condea à qual é sentenciado pola Audiência Nacional, e ser apresentado recurso ante o Tribunal Supremo. Se bem, tras umha breve saida em liberdade volta a ser detido, em A Corunha, para cumprir a condea ?pendente?. Novamente será dispersado e submetido a intervençom de comunicaçons, restricçons nas visitas e correspondência e isolamento.

O colectivo galegófobo "Galicia Bilingüe" vem de denunciar ao CS Aguilhoar (ver denúncia e anexo). Desde o CS Revolta queremos transmitir o nosso apoio e solidariedade aos/às companheiros/as do CS de Ginzo da Límia. Pasamos a reproduzir o comunicado publicado no seu blogue.

Perante a denuncia apresentada polo colectivo ?Galicia Bilingüe? e as intoxicacións vertidas por diferentes medios de comunicación (ABC, El Mundo, Libertad digital, etc) sobre as actividades da Aguilhoar, queremos manifestar;

-A Aguilhoar é unha asociación legal, constituida conforme á lei de asociacións 1/2002, e que desenvolve as suas actividades de forma pública dentro do cadro da legalidade vixente.

-Os fins da asociación son a defensa da lingua e cultura galegas, os direitos nacionais da Galiza e os valores solidarios, no camiño da independencia nacional e o socialismo, nun escenario de pleno respeito polos dereitos e liberdades democráticas.

- A campaña de solidariedade con os e as galegas presas, por motivacións políticas, que deu comezo a esta denuncia, baséase nun escrupuloso respeito polos máis elementares direitos das persoas presas, recollidos na propia Constitución española, na Lei Xeral Penitenciaria e no Convenio Europeo de Dereitos Humanos; denunciando as arbitrariedades que sofren como a aplicación da dispersión, a tortura, o isolamento ou as sobrecondenas ás que son sometidos os seus familiares. Sendo a súa finalidade dar a coñecer, desde a nosa modesta posición, a existencia desta situación propia dun Estado pre-democrático, que ten recebido condenas da Comisión de Dereitos Humamos da ONU, do Comité Internacional Contra a Torturta, de Amnistía Internacional e do propio Tribunal Europeo de Dereitos Humanos, nada sospeitosos de ?radicais?.

- Queremos esclarecer que a nosa relación co IES Lagoa de Antela reduciuse ao apoio dunha xornada pola lingua en 2009, consistente nun recitado poético e un concerto.

- Por último, valoraremos ante esta situación a posibilidade de emprender accións legais contra "Galicia Bilingue" por un delito de inxurias e calumnias ante as graves acusacións vertidas.

Sen mais, e sen querer entrar nunha dinímica de comunicados ou de desmentidos, damos por fechado o asunto, do cal ningunha consecuencia legal se pode desprender ante a multitude de mentiras e terxiversacións interesadas desta denuncia. Por último, dirixímonos á aqueles asociados/as, simpatizantes e amigos/as que nos coneñecen de primeira mao, que saben que actividades e traballo facemos, e que mundo - mais xusto e mais libre- queremos, para que sigan mostrando o seu apoio ano cara ao noso proxecto.

CENTRO SOCIAL AGUILHOAR

Coma é de costume o domingo 1º de maio poderemos desfrutar do jantar popular que organizam o CS Revolta, o CS Faísca e o CS Guindastre. Após as manifestaçons vamos compartilhar a mesa com @s camaradas!. Às 14h00 no CS Faísca (Rua Toledo nº9). Bonos à venda no própio CS Faísca, no CS Revolta ou na taberna O Toural.