A iniciativa Galescola surge como resposta ao problema da escolarizaçom dos nenos e nenas galegofalantes nas cidades galegas. O nosso objectivo principal é criarmos uma rede de escolas onde as nossas crianças possam falar galego numa situaçom de normalidade.

A associaçom VOGAL (Viveiro e Observatório de Galescolas) foi constituída para definir e organizar o projecto, colaborar com as Galescolas, e actuar como coordenadora. Prestaremos apoio técnico, jurídico e financeiro, participando no capital social das escolas quando for necessário, e colaboraremos com organismos e associações que prossigam objectivos similares ou complementares.

Queremos criar escolas em regime de cooperativa, democráticas e participativas, oferecendo um ensino laico e de qualidade. As Galescolas serám multilingues, com o galego-português como língua veicular, e promover-se-ám as relações com as culturas lusófonas.

O nosso projecto está aberto a todas as pessoas. Queremos dar uma visom ampla da língua, na sua dimensom internacional, na que todos/as possamos sentir-nos a vontade.

Estamos formando um grupo para o nosso primeiro projecto: uma escola infantil em Vigo. O modelo organizativo será o de uma cooperativa de trabalho associado, que nos permite integrar o professorado, as mães e pais e a associaçom VOGAL.

Para mais informaçom:

Grupo Galescola