Os próximos 31 de Outubro e 1 de Novembro decorrerá na serra do Courel o segundo Encontro da associaçom Agarimar. O preço por pessoa adulta é de 20 ? e inclui o alojamento, merenda, ceia e almoço. Como ocorrera no anterior Encontro constitutivo em terras do Couto Misto, o jantar dos dous dias será comunitário polo que tod@s @s participantes deverám aportar algo.

PROGRAMA:

SÁBADO 31:
12:00. Chegada ao Acampamanto O Courel.
14:00. Jantar comunitário.
16:00. Passeio. Recolhida de casatanhas para levar no dia seguinte ao sequeiro.
17:00. Merenda e fabricaçom de cabaças do Samaim.
18:00. Debate: A criança e a aventura da natureza. A pedagogia do ar livre.
20:00. Festa do Samaim e ceia.

DOMINGO 1:
09:30: Almoço
11:00. Saida cara Froxám.
12:00. Visitaremos o sequeiro do Pepe, velho secador de castanhas para o Apalpador, e procuraremos a casa onde mora o barbudo apalpa barrigas.
14:00. Jantar comunitário e despedida.

Confirmar assistência antes do 26 de Outubro em agarimar.gz@gmail.com

Na semana de 4 a 10 de Outubro comemorou-se a Semana Mundial do Aleitamento Materno, sob o tema «Aleitamento Materno. Resposta Vital nas Emergências. Está Preparada?»
Por todo o país houvo múltiplas actividades programadas polos grupos de apoio à lactaçom durante toda a semana.
Desde Agarimar, apesar do complicado das datas coincidentes com a inauguraçom do nosso local em Vigo e a organizaçom do Curso de nascimento criativo em Vila Boa, comemoramos o começo da semana com umha juntança aberta o dia 4 no próprio local em colaboraçom com Deleite.

Ali compartilhamos durante toda a tarde, crianças, maes e pais experiências e jogos e até tivemos ocasiom de projectar uns vídeos sobre lactaçom materna por cortesia da associaçom Deleite.

Temos o imenso prazer de poder oferecer este curso desde Agarimar para todas aquelas pessoas interessadas. O curso inclui um dosiê de material didáctico para ampliar a informaçom que trabalhemos. Partilharemos as nossas experiências, esclareceremos possíveis dúvidas e conheceremos melhor o nosso próprio corpo em cada situaçom.

Material publicitário do curso

Programa para os dous dias:

1ª SESSOM: A Gravidez (Sábado 10-14h)

Apresentaçons.

Mudanças: factores físicos, factores psicológicos.

Cuidados: alimentaçom, hidrataçom, exercício/descanso.

Exercícios de consciência corporal.

Preparar a chegada: a espera, expectativas.


2ª SESSOM: O Parto (Sábado 16-20h)

Desenvolvimento do parto normal: processo fisiológico.

Possíveis complicaçons e soluçons.

Áudio-visuais: diferentes opçons de parto.

Dúvidas, medos, falsos mitos.

Papel dos acompanhantes.

Colocaçom do bebé, auscultaçom do latido.


3ª SESSOM: O Pós-parto (Domingo 10-14h)

Acolhida: receber o bebé.

Room-in, bed-in.

Aleitamento: ensaio de posturas, possíveis problemas e soluçons.

Recuperaçom: estratégias e exercícios.

Cuidados do bebê.

Criança: sono, vacinaçom, alimentaçom complementar.

Animamos porém a assistir e formalizar as inscriçons por meio do e-mail: nascimentocriativo@gmail.com

Rematando com as obras que deixam o local da Rua Real, 12 de Vigo pronto para se utilizar, e convidando a todas e todos a assistir à sua inauguraçom o próximo sábado 3 de Outubro às 18:00 h. e à primeira actividade o domingo 4 de Outubro.

Zona da Escola Popular que albergará espaço para a criança

A continuaçom expomos o programa deste fim-de-semana:

SÁBADO 3:

- Apresentaçom do projecto da Escola Popular Galega
- Apresentaçom do projecto do Espaço para a criança
- Petiscos e bebidas
- Projecçom
- Obradoiro de colocaçom do pano porta-bebés
- Exposiçom sobre as diferentes linhas pedagógicas
- Mostra de livros e textos sobre a criança

DOMINGO 4:

- A criança com apego. Com a participaçom de membros da associaçom Deleite e projecçom de apresentaçom deste colectivo.

A psicóloga catalana Rosa Jové autora, entre outros, do livro "Dormir sem lágrimas" continua a sua particular gira polo nosso país. Depois da sua presença em Lugo fai umhas semanas, a próxima quarta-feira dia 30 de Setembro teremos oportunidade de assistir a umha conferência sua no auditório de Goiám (Tominho) às 17:30 h.

O acto é organizado pola Oficina de Igualdade do Concelho de Tominho.

Além da já anunciada exposiçom de Deleite em Vigo e a charla de Rosa Jové que decorreu em Lugo o passado Sábado 19, colectivos galegos de apoio à lactaçom e ao parto natural retomam a actividade através de debates e cursos.
A associaçom lucense Bico de Leite começa com as suas juntanças temáticas mensais o próximo 24 de Setembro de 17 a 19 horas na Rua Garcia Portela nº11, dedicando este mês ao tema: A falta de leite. Causas e soluçons.
Desde Narom, a associaçom BBTA oferta um curso para os dias 26 e 27 de Setembro sobre Destrezas avançadas em lactaçom materna ministrado na escola de enfermeria do campus universitário de Esteiro sob o seguinte programa:

Sábado 26 de 10 a 14h

-Anatomia da mama

-?para a vida?

-Nenas/os especiais

Sábado 26 de 16 a 20h

-Bebés com problemas na pega

-Hipogaláctia

-Galactogogos

Domingo 27 de 10 a 14h

-Anquiloglossia

-Infecçons

A inscriçom no curso é de 30? para sócias de BBTA ou Fedegalma e 60? para nom sócias.
Por último, a associaçom O parto é noso também começa as suas juntanças abertas o segundo Sábado de cada mês no centro cívico do Castrilhom, Praça de Pablo Iglesias s/n da Corunha para falar de parto, gravidez, lactaçom,...

Os próximos 12 e 13 de Setembro terá lugar em Braga a 3ª ediçom da Expo Mamá e Bebé, um evento dedicado a grávidas, mamás, bebés e crianças.
Com diversos stands a disposiçom do público, a feira contará com lojas onde poder encontrar novidades e produtos para crianças de todas as idades e com profissionais a quem perguntar as dúvidas através de vários workshops e palestras realizados.
Desde Agarimar queremos animar-vos a que vos achegueis à feira e a participar em especial das palestras organizadas pola Associação portuguesa pela humanização do parto (HUMPAR) e a Associação Nacional para a educação Pré-Natal (ANEP):

"À conversa sobre... epidural e cesareana: os seus efeitos secundários na relação entre mãe e bebé"
Sábado 12h00 HumPar

"À conversa sobre...o que é a educação pré-natal"
Sábado 15h00 ANEP

"À conversa sobre...maternidade holística"
Sábado 16h30 HumPar

"À conversa sobre...técnicas naturais para alívio da dor de trabalho de parto"
Sábado 18h00 HumPar

"À conversa sobre...o que é a educação pré-natal"
Domingo 12h00 ANEP

"À conversa sobre...maternidade holística"
Domingo 15h00 HumPar

"À conversa sobre... epidural e cesareana: os seus efeitos secundários na relação entre mãe e bebé"
Domingo 16h00 HumPar

"À conversa sobre...técnicas naturais para alívio da dor de trabalho de parto"
Domingo 17h00 HumPar

"À conversa sobre...o que é a educação pré-natal"
Domingo 18h00 ANEP

A associaçom Deleite inaugura o próximo dia 4 de Setembro às 18:00 h. na Casa das Mulheres (Rua Romil, 20) da cidade de Vigo a exposiçom "Eu também som fonte" baseada no livro que Teresa Moure tem publicado na editorial Galáxia com desenhos de Leandro Lamas.

Capa do livro de Teresa Moure

Aliás, a inauguraçom do dia 4 contará com a actuaçom de Servando Barreiro às 18:30 h. e todas as sextas do mês desenvolverám-se actividades para acompanhar a exposiçom.

Cartaz

VANTAGENS DO PARTO NA CASA

? As estatísticas demonstram que, com um cuidado pré-natal adequado e umha assistência qualificada, o parto na casa é umha maneira de parir igual ou mais segura que no hospital devido ao baixo risco que a mulher passa.
? Na casa, a mulher conta com a intimidade e a comodidade do entorno familiar, acompanhada dos seus seres mais queridos, na posiçom que ela eleger e com a roupa que considere mais cómoda.
? Durante a fase pré-parto e no próprio parto a mulher é ciente do que realmente significa o seu trabalho e o nascimento.
? As suas necessidades som as mais importantes; nada se fai sem o seu consentimento.
? Todo o processo do nascimento flui com total normalidade,sem que as assistentes intervenham se nom é absolutamente necessário.
? Os estudos demonstram que o risco de infecçons tanto para a mae quanto para a bebé som menores.
? A mulher pode fazer o que deseje:caminhar, duchar-se, banhar-se, comer, beber, etc.
? A equipa médica está disposta e localizada para ir para a casa em qualquer momento.
? A mulher nom necessita preocupar-se por quando tem de ir para o hospital, nom se tem que mover da casa.
? Tanto a mae quanto a bebé tenhem garantida a contínua assistência da matrona e da doula, assim como o assessoramento dos cuidados tras o parto. A relaçom estabelecida entre ambas partes caracteriza-se por umha grande cumplicidade.
? A mulher suporta todo o processo, deixando-se levar pola sua intuiçom e experiência persoal do crescimento como ser humano que está a passar por umha poderosa experiência de cámbio na sua vida.
? Desenvolve-se um grande vínculo afectivo tanto entre a bebé e a sua mae quanto entre elas duas e as pessoas que estivérom perto durante o nascimento.A lactaçom fai-se mais fácil assim como o contacto entre a mae e a bebé.

DESVANTAGENS DO PARTO NA CASA

? A mulher deve assumir umha grande responsabilidade do seu estado de saúde, tanto fisico quanto mental. Isto require a sua continua participaçom no que se refire ao cuidado e convencimento para aceitar as consequências das decisons tomadas.
? O hospital é o lugar que socialmente se considera ideal para parir, polo que a eleiçom de outras opçons pode provocar juízos negativos e falta de apoio.
? As complicaçons que se poidam apresentar nom se podem atender na casa.
? Os seguros nom cobrem os gastos do parto na casa.

"Para mudar o mundo,
primeiro precisas mudar a forma de nascimento"

Michel Odent

Sofremos um Estado, o espanhol, onde escassamente o 1% dos partos tem lugar na casa, onde se umha mulher se decide por esta opçom, deve enfrentar-se em solitário ao gasto da atençom profissional dumha matrona ou dumha doula, além de enfrentar-se à generalizada opiniom de ser umha opçom perigosa para ela e a sua bebé quando os estudos científicos demonstram que nom é mais que um prejuízo sem evidência científica algumha que o sustente. Um Estado onde a maior parte dos hospitais fica muito longe de cumprir as recomendaçons da OMS na atençom a partos normais, e onde a imagem do parto é a dum acto frio, hipermedicalizado e feito polos ?hominhos de verde? como no anúncio da Coca-Cola.
Entretanto em países como a Inglaterra, a Holanda ou a Finlándia, entre outros, o parto na casa está cuberto pola seguridade social e é umha alternativa possível ao parto hospitalar.
É surpreendente, que nesta conjuntura, ainda haja multinacionais que se atrevam a monstrar um parto na casa na sua publicidade. O anúncio publicitário de Flex conta-nos o nascimento real de Waira Umpierrez ocorrido em 21 de Março de 2009 em La Floresta (Barcelona) e cujos pais, Carolina e Nicolás, já tinham vivido um outro parto na casa com o seu filho maior, Cimar.
Um mundo mais justo exige passarmos do que podemos olhar no documentário ?O negócio do nascimento? ao que podemos olhar em partos hospitalares mais humanos como este. A época obscura e patriarcal do domínio absoluto do corpo e a mente da mulher deixará passo à recuperaçom da energia feminina perdida, do conhecimento e respeito ao próprio corpo, desde a menstruaçom à menopausa passando pola gravidez, parto, lactaçom e criança, de deixar de ser submissas e delegar o poder em outros, e assumir o controlo da própria vida que é muito mais que poder votar, trabalhar fora de casa e abortar. É muito importante que as mulheres saibam que o parto nom é como lho contam e que tenhem direito no hospital a outro tipo de nascimentos, mais naturais e respeitados, como indicam a OMS e a própria natureza, e que nom deixem de se informar e ler livros como ?A revoluçom do nascimento? de Isabel Fernández del Castillo ou ?Pariremos com prazer? de Casilda Rodrigáñez.

Seguindo a linha de informaçom sobre o parto e olhando que cada dia som mais as associadas a Agarimar em situaçom de parir referenciamos dous artigos da autoria brasileira de Ana Cris Duarte em que faz umha reflexom sobre os "Tipos de parto" e um chamado ao direito de escolha por meio do "Plano de parto".

Segundo vem de publicar um jornal espanhol o passado 25 de Julho, a Junta de Galiza quer recurtar direitos das galegas que nom residam nas comarcas do Salnês, Cee ou Ourense ao nom deixar-lhe optar por um parto humanizado.
Os hospitais do Salnês, Cee e mais Ourense som os únicos dotados para assistir partos naturais, embora seja o do Salnês o de referência para a Organizaçom Mundial da Saúde (OMS).
Mentras isto acontecer, no hospital da Ordem da Lapa, no Porto, vem de nascer de parto aquático o primeiro bebé português em contexto hospitalar, bem como apontam diversos colectivos trata-se já do 17º bebé a nascer na água em Portugal.