As sócias e sócios da Associaçom Galega da Língua (AGAL) estám convocadas para as assembleias geral e extraordinária que terám lugar em Compostela no sábado 14 de Abril de 2007 no salom de actos da Faculdade de Filologia (Avda. de Castelão s/n). A seguir, reproduzimos as ordens de trabalhos.

Assembleia geral ordinária (11:00)
1.- Leitura e aprovaçom, se proceder, da acta da assembleia anterior.
2.- Aprovaçom das contas do exercício económico de 2006.
3.- Correcçom de Erros no texto de Estatutos validada pola Junta da Galiza.
4.- Perguntas e sugestões.
NOTA IMPORTANTE: comunica-se que o estado de contas do ano 2006, cuja cópia será repartida na assembleia, está a dispor das pessoas associadas que o solicitarem no correio electrónico tesouraria[arroba]agal-gz.org

Assembleia geral extraordinária (12:00)
1.- Eleiçom do Conselho da AGAL
a) Apresentaçom de candidaturas.
b) Debate (ou, no seu caso, explicaçom de programa e respostas às perguntas da assembleia).
c) Votaçom.
d) Escrutínio.
e) Proclamaçom do novo Conselho.

A Associaçom Galega da Língua (AGAL), umha associaçom sem ânimo lucrativo, legalmente constituída em 1981, que visa a plena normalizaçom do Galego-Português da Galiza e a sua reintegraçom no âmbito lingüístico a que historicamente pertence: o galego-luso-brasileiro.

Associar-se à AGAL é muito simples. A forma mais cómoda é preencher o nosso formulário electrónico e enviá-lo com apenas uns cliques.

Umha outra forma é preencher a ficha de inscriçom que colocamos afinal deste artigo e enviá-la para o seguinte endereço:

Associaçom Galega da Língua. Apartado dos Correios, 453. 32080 Ourense (GALIZA).

No caso de dúvidas, podeis solicitar informaçom e/ou esclarecimentos no correio-e compostela(arroba)agal-gz(ponto)org, no telefone +34 988 441 109 ou no fax +34 986 438 856.

Folha de inscriçom para a Associaçom Galega da Língua (PDF)

• «Llengües Vives» noticia nascimento do novo «Constantinopla»

O regresso do boletim «Constantinopla», porta-voz em Compostela da AGAL está sendo muito sucedido.

A difusom desde este blogue está conseguindo o efeito desejado: difundir a proposta reintegracionista sem qualquer tipo de barreiras, e possibilitar os sócios da AGAL de todo o país ou na emigraçom acederem à nossa informaçom e conhecerem as actividades em que estamos envolvidas e envolvidos.

Após cinco dias na rede, este novo «Constantinopla» foi lido já em quase 500 ocasiões, um fito importantíssimo para esta nova etapa da publicaçom.

Full story »

Coincidindo com o XVII aniversário da morte do ilustre galeguista Ricardo Carvalho Calero, o grupo local da AGAL em Compostela oferece ao grande professor o seu particular tributo. Nom se trata de umha homenagem à pessoa, mas às suas ideias, e fazemo-lo com a reediçom (em formato digital) do boletim de língua «Constantinopla».

Após vários anos sem ser editado, o boletim regressa em formato digital desde o número 19, e pode ser conferido aqui.

A passada sexta-feira apresentou-se em Compostela a campanha de Voluntariado Lingüístico que organizam em colaboraçom o grupo compostelano da Associaçom Galega da Língua e a Gentalha do Pichel. A iniciativa normalizadora está integrada por quase um cento de pessoas, em total 44 ensinantes, 44 apreendentes e pessoas da organizaçom das duas associações. O acto de apresentaçom foi noticiado pola Rádio Galega.

Full story »

Falta já pouco para acabar o prazo de participaçom no «Voluntariado pola língua», o programa de pares de conversa para favorecer a adquisiçom do galego que organizamos em parceria o grupo local da AGAL em Compostela e a Gentalha do Pichel.

Vamos explicar brevemento o funcionamento desta iniciativa. Consiste em pôr em contacto pessoas que usam habitualmente o galego com pessoas que nom só nom o usam, como também tenhem dificuldades para o empregarem, por nom o dominarem nem encontrarem um ámbito para se lançarem a usá-lo. Cada par (um voluntário ou voluntária e um/ha aprendente) compromete-se a combinar um mínimo de dez encontros de umha hora (mais ou menos um por semana durante três meses) para que o ou a aprendente poda manter umhas primeiras conversas em galego que favorecerám a sua instalaçom na nossa língua.

Full story »

O grupo compostelano da Associaçom Galega da Língua (AGAL) estreia o seu blogue. Desde já, neste espaço virtual podereis conhecer o trabalho desenvolvido polas companheiras e companheiros que trabalham na capital do País.

Se quigerdes informaçom sobre a nossa associaçom, como associar-se, iniciativas nas que estamos trabalhando, participar nas reuniões ou quaisquer outros temas, podeis contactar-nos correio electrónico compostela[arroba]agal-gz.org