O Centro Social Henriqueta Outeiro organiza a vindoura terça-feira 30 de Janeiro às 20 horas o primeiro debate do ano 2007. Nesta ocasiom a temática escolhida é a prostituiçom, um debate que por vir de velho nom deixa de ser candente e actual.

A prostituiçom é um fenómeno milenário e universal, ligado ao patriarcado, ao qual a esquerda nom sempre considerou prioritário na suas tarefas e objectivos, e para o qual sempre mantivo acçons políticas contraditórias.

Actualmente na nossa sociedade, na Galiza do novo milénio, a prostituiçom tem experimentando um importante auge e expansom ligada directamente a certas mudanças sociológicas entre a populaçom masculina jovem, e à chegada massiva de imigrantes que fornecem esta indústria vinculada ao capitalismo mais mafioso e ilegal.

A legislaçom espanhola vigente permite o seu exercício embora esporadicamente realiza redadas contra determinados prostíbulos para lavar a cara.

Como afrontar a prostituiçom, basicamente alguns dos aspectos mais crús: tráfego ilegal de mulheres, regime de semiescravidom no que se acham umha boa parte das que fornecem o negócio, a falta de direitos, a exploraçom a que som submetidas polo proxenetismo, etc, é um debate permannete no movimento feminista.

A esquerda independentista, movimento no que se enquadra Centro Social Henriqueta Outeiro, nom tem umha posiçom definida nesta matéria. Por este motivo e porque consideramos necessário avançar nesta direcçom: dotar-nos colectivamente dumha posiçom consideramos oportuno promover este debate.

No debate sobre a prostituiçom contamos com três mulheres, com três vozes reconhecidas do movimento feminista galego, que darám visons contrapostas sobre a prostituiçom e sobre que posiçom se deve adoptar perante este fenómeno.

Ana Miguez, directora de Alecrin

Nanina Santos, da revista Andaina

Paula Rios, Mulheres Nacionalistas Galegas

O debate realizará-se nas instalaçons do Centro Social Henriqueta Outeiro na Rua de Quiroga Palácios 42, rés do chao de Compostela.