A charla sobre mitologia popular galega impartilhada 29 de Março polo investigador e professor Carlos Solha Varela no CS Henriqueta Outeiro foi um autêntico sucesso.

Mediante umha narraçom amena acompanhada com a mostra de dúzias de amuletos e objectos que lográrom umha atençom permanente por parte do público assistente nas quase duas horas de charla, o especialista em mitologia popular galega originário de Cerdedo deu a conhecer as chaves que permitem um conhecimento dessa cultura imaterial que paulatinamente se vai perdendo pola traumática destruiçom da etnicidade galega pola dupla pressom exercida polo projecto nacional espanhol e a globalizaçom capitalista.
Para quem nom tivo ocasiom de escuitar a Carlos Solha tem duas oportunidades no imediato. Domingo 15 de Abril o Local Social a Revira de Ponte Vedra e a Baiuca Vermelha de Ponte Areas organizam um roteiro polo monte Seixo, a ?montanha mágica?, e sábado 21 de Abril Carlos Solha impartilha umha palestra sobre mitologia popular na Baiuca Vermelha, o Local Social do Condado.