Mohamed Safa, médico palestiniano residente em Galiza e histórico activista da OLP, impartiu umha charla no Centro Social Henriqueta Outeiro a passada terça-feira sobre a ocupaçom de Palestina.

Continua:

Reafirmou o direito do seu povo á resistência contra a ocupaçom sionista e denunciou a hipocrisia de ocidente que durante a sua história reivindicou este direito que hoje lhe nega aos palestinianos ao tempo que os chantagea para que aceitem a ocupaçom e renunciem aos seus direitos nacionais.

Informou que no recente ataque a Gaza o exército israeli destrozou 22000 vivendas, 60 escolas e miles de pessoas com a complicidade de USA e a UE.
Explicou como todas estas agressons (assassinatos, torturas, desfiuzamentos, demoliçom de vivendas, desemprego, bloqueio económico, expulsons) que duram um século, nom conseguírom dobregar a vontade do seu povo.

Frente a análises ingénuas aclarou que nengum colonialista renúncia voluntariamente á ocupaçom se nom atopa um benefício maior, como passou co apartheid sudafricano, é isso foi o que conseguiu a Intifada, que paralisou economicamente Israel. Máis a invassom dum milhom de colonos ex-soviéticos em 1996 (o 20% da povoaçom) modificou esta situaçom e já nom se volveu aos acordos de Paz.

Finalmente descreveu umha sociedade israelita ultraconservadora que fixo da indústria da guerra um negócio e informou de umha corrente de esquerda na resistência palestiniana, “a terceira linha”, que se distingue de Hamas e Al-Fatah.