« Laura Bugalho explicou-nos a situaçom laboral d@s imigrantes na GalizaGaleg@s e catalans homenageárom a Argala numha nova ceia revolucionária »

Imigraçom e pobreza a debate esta quinta-feira

25-02-2009

  04:42:56, por cshenriqueta   , 256 palavras  
Categorias: Debates e Palestras

Imigraçom e pobreza a debate esta quinta-feira

Quinta-feira temos um bom argumento para estarmos no Centro Social Henriqueta Outeiro. Para nos volver encontrar sob a interessante proposta da assembleia aberta: umha palestra sobre 'Imigraçom e pobreza'.


Com esta, as nossas actividades continuam a pôr o dedo sobre a actualidade e a realidade do nosso país e das suas gentes, as nativas e as acolhidas. Após falarmos de Palestina numha triste conjuntura, e sobre Cuba e as iniciativas na Galiza para apoiar a sua revoluçom, propomos-vos adentrar-nos cara a cara na realidade das trabalhadoras e trabalhadores que querem encetar no nosso País um novo vieiro para fender a rota da marginalizaçom que nas suas terras de origem impom o imperialismo, o capitalismo avançado.


Umha temática que acostumamos esquecer sob o profuso exercício de revolta quotidiana em chave nacional, socialista e antipatriarcal que nos envolve a todas e todos.

Laura Bugalho, activista no sindicato nacional CIG, na sua federaçom de Imigraçom, junto com o vizinho Nelsom Rosamonte Barbosa, exporám-nos as linhas de intervençom sindical face a um dos segmentos das classes trabalhadoras mais explorados, e a quotidianeidade dum operário lusófono preto e de origens geográficas, climáticas, sociais e laborais bem diferentes à Galiza do sêculo XXI. Neste caso, um natural de São Tomé e Príncipe. Duas realidades mescladas pola pressom da pobreza, que desejamos caminhar de maos dadas face um horizonte de liberdade entre iguais. Para o qual é imprescindível conhecer-nos.

Ficades convidadas e convidados!

Sem comentários ainda

Que somos?

O CS Henriqueta Outeiro é umha iniciativa da esquerda independentista para se dotar de espaços próprios onde realizar actividades sem nengum tipo de entraves [+info]

Porque nos chamamos Henriqueta Outeiro

Em reconhecimento da luitadora revolucionária Henriqueta Outeiro Branco, símbolo do compromisso e entrega de milhares de mulheres e homens galeg@s à causa das liberdades e da justiça social.

Onde Estamos? Onde Estamos? Internet Onde Estamos?

Categorias

Retain only results that match:

Busca

  Feeds XML

free blog tool