Finalmente foi só Laura Bugalho quem assistiu ao nosso local para ministrar umha longa palestra com a presença dum público composto na sua metade por vizinhos e vizinhas de Compostela de nacionalidades foráneas, trabalhadoras/es na Galiza. A ausência do companheiro de São Tomé foi desculpada, e esperamos poder contar noutra ocasiom com a sua participaçom.

Porém, a loquacidade da sindicalista e activista em defesa dos direitos da classe trabalhadora galega nom nativa, e a participaçom do público, nomeadamente a exposiçom da sua situaçom por parte das assistentes estrangeiras, todo isto, permitiu desenvolver num ambiente familiar e integrador a abertura da mirada política face a este segmento do Povo Trabalhador especialmente assediado polos anceios de mais-valia da patronal. Também no nosso País o sindicalismo vai adaptando as suas estruturas para dar cabida aos problemas de imigraçom, aproximando o carácter nacional da nossa luita social a quem som chegad@s doutros lugares. A língua galego-portuguesa como ferramenta de compreensom permite neste sentido a abertura de contactos imediatos com a comunidade lusófona, umha das mais destacadas na Galiza.

A policializaçom do conflito de classe com @s trabalhadores/as de fora, foi exposto exemplarmente como mais umha ferramenta capitalista para atemorizar e acovardar as classes populares que, por recém chegadas, estám desprovistas de círculos de encontro como os que CIG-Imigraçom procura, onde possibilitar a coordenaçom e afortalamento das luitas dumha mesma classe obreira.

O centro social manterá mansalmente o seu círculo de palestras e debates.