A nossa participaçom no Dia das nossas Letras nom passou desaparcebida. Umha faixa de cor amarelo, com a legenda "Umha naçom sem língua, umha naçom sem coraçom", com o logótipo do nosso Centro Social, serviu de cabeceira ao segmento independentista e socialista de sóci@s agrupad@s à volta do nosso local.

Continua:

Muitos outros centros sociais do País impulsionáramos a Plataforma Galego Sempre Mais, para dotar de unidade às expressons organizadas a favor do galego que nom se sobmetem aos critérios partidistas e sistémicos da Mesa.

Com nós, a Baiuca Vermelha, o Gomes Gaioso, Artábria e A Gentalha, portávamos faixas reivindicativas, além doutros colectivos reintegracionistas. Todas e todos figemos desta umha demonstraçom de força do reintegracionismo lingüístico, de capacidade mobilizadora numha data recuperada, talvez com algum oportunismo político, para reivindicar nas ruas o que nunca devemos deixar de fazer nelas: o galeguismo social como monolingüismo numha sociedade enriquecida na sua principal obra colectiva.

Foi para nós um prazer participar como Centro Social numha data histórica de autoafirmaçom num contexto político tremendamente contrário. Após a chegada ao poder da ultra-deireita espanhola, com todas as armas apontando sobre o idioma nacional; sobre a nossa consciência colectiva; sobre os sinais de identidade dum Povo Trabalhador que se pretende desestruturar em todas as suas manifestaçons contrárias aos interesses de Espanha e do Capital.