Até quatro jantares decorrêrom nas instalaçons do nosso Centro Social com motivo da participaçom de dezenas de pessoas nas Jornadas Independentistas Galegas. O partido Primeira Linha organizou, com a colaboraçom do Henriqueta Outeiro, bonos por um preço módico para que amig@s de todo o País pudessem defrutar dum jantar e umha ceia no Sábado, e um almorço e um jantar no Domingo, dia em que, a iniciativa do partido, se prolongárom os encontros nacionais com os e a ponente na decimoterceira ediçom das suas Jornadas.

Para isso, e entre os dous encontros políticos o Sábado na Gentalha, foi diposto um completo jantar, que seria continuado com umha ceia. Sócios e sócias do Centro Social exercêrom um labor de coordenaçom e gastronomia económica ao melhor jeito, tal e como vimos sendo habituad@s graças aos numerosos encontros deste tipo que celebramos ao longo do curso político.

Também o Domingo abrimos desde primeira hora da manhá para servir de ponto de encontro com um garfo, umha culher e umha faca nas maos, oferecendo mais dous jantares e mesmo umha merenda, tendo o local disponível para a discussom política ao longo do fim-de-semana todo.

Agradecemos a possibilidade de desenvolver-nos como referente para a acolhida de camaradas do País e nem só, e esperamos ter feito um trabalho que favorecesse a comodidade das pessoas assistentes a Compostela este fim-de-semana.