Na próxima quinta-feira, 13 de Março, contaremos com a presença no nosso Centro Social de Nilda Eloi, destacada militante argentina dos direitos humanos e que foi detida-desaparecida no seu país, durante a ditadura argentina, forma parte da Associaçom ex-Detidos Desaparecidos da Argentina e na actualidade é a principal testemunha protegida do juizo contra vários repressores que se desenvolve na cidade da Prata.
O Centro Social Henriqueta Outeiro acolhe sábado 23 de Fevereiro um novo jantar de confraternizaçom. Nesta ocasiom comida galega dedicada a Benigno Álvares, dirigente comunista pioneiro na imprescindível convergência entre luita de libertaçom nacional e emancipaçom social.
Sexta-feira 16 de Fevereiro às 20 horas celebrará-se a quarta sessom do Centro de Estudos Marxistas Henriqueta Outeiro. Nesta ocasiom debateremos "Desafios actuais da teoria crítica frente ao posmodernismo" da autoria do marxista argentino Néstor Kohan.
O documento pode ser baixado do web do Colectivo Amauta- Cátedra Che Guevara
www.amauta.lahaine.org
O Centro Social Henriqueta Outeiro acolherá sábado dia 9 umha juntança da Brigada Galega Fuco Gomes.
Este colectivo, criado a instáncias da mocidade galega organizada no Movimento de Libertaçom Nacional, tem já aberto um espaço próprio na rede e está a desenvolver um trabalho orientado face à consecuçom dum apoio real à Revoluçom cubana consistente, entre outras cousas e especialmente, numha viagem ao país das Caraíbas onde reforçar o compromisso internacionalista da Galiza rebelde.
A cita é de participaçom aberta e espera-se a assistência de toda/o aquela/e interessad@ em conhecer mais polo miudo esta iniciativa solidária e revolucionária.
Será a partir das 11,30 nas instalaçons do Centro Social.
A Assembleia Aberta do Centro Social Henriqueta Outeiro parabeniza-se do progresso da actividade de confraternizaçom, encontro e debate que estám a representar os Jantares Revolucionários.
O Centro Social da rua Quiroga Palácios acolherá este sábado umha ementa dedicada a Antonio Gramsci, militante socialista, e um dos fundadores do Partido Comunista de Itália.´
O Grupo de Base da comarca de Compostela da organizaçom juvenil BRIGA anunciou já que as instalaçons do nosso Centro Social acolherám segunda-feira 23 umha reuniom preparatório do "Curso de auto-defesa para mulheres".
Sexta-feira 18 de Janeiro às 20 horas terá lugar a terceira sessom no Centro de Estudos Marxistas Henriqueta Outeiro continuando com o debate do Que fazer? Problemas candentes do nosso movimento de Lenine.
Na sessom do do passado 14 de Dezembro decidiu-se continuar com o debate desta obra que devido à sua magnitude.
O ano 2007 rematará com um dos objectivos da Assembleia Aberta cumprido: estabelecer umha periodicidade mensal aos Jantares Revolucionários, cuja terceira ediçom tivo lugar este sábado 22.
A Assembleia Aberta do Centro Social Henriqueta Outeiro organiza sábado 22 de Dezembro às 15h o terceiro Jantar revolucionário mensal para homenagear destacad@s revolucionári@s da Galiza e a nível internacional.
Nesta ocasiom a ementa do jantar será comida polaca:
- Sopa de porros e beterraba
- Schab pieczony ze sliwka (Lombo recheio de ameixas)
sobremesa
-Paczki (Bolinhos recheios de doce de frutas)
Um jantar especialmente preparado para homenagear com ingredientes e pratos polacos a Rosa Luxemburgo.
Podes adquirir por 9? o bono-entrada nas instalaçons do Centro Social, -aberto de 19 a 23 horas de segunda a sexta-feira-, ou telefonando a 660 713 095 ou 881 979 561.
O CS Henriqueta Outeiro é umha iniciativa da esquerda independentista para se dotar de espaços próprios onde realizar actividades sem nengum tipo de entraves [+info]
Porque nos chamamos Henriqueta Outeiro
Em reconhecimento da luitadora revolucionária Henriqueta Outeiro Branco, símbolo do compromisso e entrega de milhares de mulheres e homens galeg@s à causa das liberdades e da justiça social.