O ato de Néstor Kohan foi um sucesso. Nom apenas porque assistissem mais de médio cento de pessoas, também porque o conteúdo do seu discurso, introduzido polo secretário geral de Primeira Linha -entidade convocante-, foi recebido com grande interesse e motivo para a reflexom.

O Centro Social sente-se vivo graças a atos assim, e graças à assistência toda de vós, que tornades estes humildes contributos à teoria da revoluçom socialista em grandes lembranças que terá a Compostela vermelha de amanhá para rememorar e tirar liçons e argumentos para o debate sobre como fazer um mundo melhor.

Após o encontro com o camarada argentino Néstor Kohan, o Centro Social tem o prazer de oferecer-vos mais umha oportunidade para compartir mesa arredor dumha boa ementa tradicional.

O próprio argentino poderá degostar com nós dumha ceia consistente de:

- Sopa de peixe e marisco
- Carne ao caldeiro
- Peras ao vinho
- Café e bica

De seguro que marchará para Vigo com umha boa sensaçom, polo menos gastronómica, que @s companheir@s da Henriqueta Outeiro trabalharemos para oferecer-lhe.

Anima-te a vir ao debate e... nom duvides em apontar-te a comer com nós!

A organizaçom partidária comunista Primeira Linha, integrada no Movimento de Libertaçom Nacional Galego, vai trazer às nossas instalaçons o argentino Néstor Kohan.

O intelectual marxista estará pola segunda vez em menos de três anos no nosso Local Social, e poderemos escuitá-lo e departir com ele durante horas.

Remetemos ao comunicado publicado por Primeira Linha no seu web, citando-vos a partir das 20,30 com a esquerda revolucionária galega, para a formaçom e o debate.

O inteletual marxista argentino Néstor Kohan participará em duas palestras organizadas por Primeira Linha vindoura segunda-feira 7 e terça-feira 8 de fevereiro em Compostela e Vigo respetivamente.

Os dous atos públicos intitulados ?A vigência do marxismo. Alternativa emancipadora à crise capitalista?, que se realizarám nos centros sociais Henriqueta Outeiro e Lume!, permitirám analisar a validez do método de análise de Karl Marx e a sua aplicaçom revolucionária na atual crise sistémica que padece o capitalismo senil.

Vamos lá com umha nova ceia, a primeira deste mês de Fevereiro. Nesta ocasiom homenagearemos o líder e fundador do Frente Sandinista de Libertaçom Nacional, o nicaraguano Carlos Fonseca.

A ementa para a cita estará composta por:

- Tortilha vegetal
- "Gallo pinto"
- Salada de frutas tropical sobre biscoito de milho

Umha típica comida centroamericana que será do gosto de tod@s. Será amanhá sexta-feira a partir das 21h.
Lembra que podes confirmar assistência escrevendo para o correio cshenriquetaouteirogz@gmail.com
Nom o perdas!

Para umha nova jornada de luita, umha ceia ligeira. O Centro Social Henriqueta Outeiro oferta-vos esta possibilidade para as horas prévias ao início da convocatória de greve para o território da CAG.

Em primeiro lugar, o nosso Centro Social quer expressar publicamente que secunda o chamamento à greve. O nosso local é umha ferramenta para a esquerda nacional combativa durante todo o ano. Nesta cita, como na anterior greve de 29 de Setembro, aproveitaremos a ceia para debater sobre o presente e futuro imediatos, as impressons sobre o clima de paro na cidade, e colher forças para as horas seguintes.

Anima-te a começar esta noite com nós, degostando a seguinte ementa:

- Creme Vichy (cenouras) com picatostes
- Jamoncinhos de polo com risotto de espargos trigueiros e cogumelos
- Torta Sacher de chocolate e morangos

No mesmo dia em que esperamos ver centenares de estudantes nas ruas da capital, exigindo o seu direito a titular-se agora que se precarizam as condiçons de existência nesse espaço em elitizaçom progressiva, o Centro Social Henriqueta Outeiro fará umha nova ceia.

Faremo-la rendendo homenagem a companheiras e companheiros da esquerda independentista que estám a trabalhar arreu polo sucesso da convocatória, que partirá às 12 horas da praça do Toral. Por isso, chamaremos a esta a "Ceia por umha universidade galega e popular".

Para que essa noite, em boa companhia e com umha desejada boa presença de juventude estudantil, se poda reflectir sobre o labor realizado, valorizar os actos e prever mais intervençons políticas, umha equipa de trabalho gastronómico, a especialidade do CS, dedicará-se a cozinha faces de ibérico com talahrins, creme de cabaça e umha fabulosa sobre-mesa de amêndoas, limom e merengue, a torta mascota.

Lembra: Quinta-feira às 21,30 horas em Quiroga Palácios, no Centro Social. Acode e come bem, rebelde e bonito!

O Centro Social Henriqueta Outeiro, como outros muitos espaços de trabalho e convivência contra o sistema, contra os seus interesses, tem sido ameaçado pola via legal e pola ilegal.O nosso centro social nom provoca indiferença, tem um compromisso insubornável com a independência da galiza, a construçom do Socialismo e a emancipaçom da mulher.

A noite da quinta-feira 25 de Novembro, fascistas deixárom tatuado o seu ódio contra o que somos e representamos.

Várias pintadas fascistas, anticomunistas, fôrom pintadas na fachada do local. Também em ruas anexas aparecêrom pintadas racistas sem nada novo que aportar à Galiza que luita, além dumha limpeza rápida.

Por mais um ano, as e os activistas do Centro Social vamos oferecer-vos todo preste na mesa para a degustaçom da ementa escolhida para este mês: umha creme de cogumelos, galo com espinafres e castanhas, e flam de laranja.

Toda a comida virá a ser elaborada pola nossa equipa de trabalho gastronómico, que tanto reconhecimento se tem ganhado ao longo de muitos meses de jantares e ceias.

Neste caso será ceia, em concreto às 21 horas esta quinta-feira dia 2. Contra o frio que vai na capital do País, um encontro quente com todo preparado... dá gosto!

Anima-te oh!

AGIR celebrou o seu X aniversário com umha ceia no Centro Social Henriqueta Outeiro. Foi um dos actos programados pola entidade estudantil do MLNG para conmemorar que em Setembro deste ano 2010, figérom 10 anos do fim do processo de convergência de EI e FER para aglutinar todo o independentismo organizado numha só estrutura.

A ceia decorreu com a intervençom das pessoas que gerírom desde a Responsabilidade Nacional de Organizaçom, ligando assim as alocuçons dos primeiros tempos com as do AGIR actualmente existente, representado pola sua Direcçom Nacional saída do VII Assembleia Nacional.

O Centro Social Henriqueta outeiro deseja mais dez anos de activismo ininterrompido por umha Escola Nacional Galega, pública, democrática, antipatriarcal e de qualidade.

A partir de já, o Local da rua Quiroga Palácios manterá um horário de abertura semanal como segue:

- Terças-feiras: 19h a 22h
- Quartas-feiras: 19h a 22h
- Quintas-feiras: 19h a 22h

Lembra que desntro deste horário te podes dirigir à pessoa encarregada do balcom para qualquer sugestom ou consulta de interesse. Também podes solventar estas questons escrevendo para o nosso correio: cshenriquetaouteirogz@gmail.com