Celebramos com AGIR o seu décimo aniversário. Este mesmo ano, e em concreto em Setembro, a organizaçom estudantil da esquerda independentista fazia 10 anos.

O Centro Social, referente para a autoorganizaçom do Movimento de Libertaçom Nacional Galego na capital do País, serve hoje de acolhida mais umha vez a pessoas que integram ou integrárom AGIR.

As e os jovens contárom mais umha vez com o local para reunir militantes e amizades. Com certeza, umha ceia servirá de gratificaçom às pessoas convidadas. A todas elas só pedimos a responsabilidade suficiente para caminhar mais dez anos organizad@s e prestes a transmitir o legado da luita estudantil galega a novas dezenas de escolares.

Com o galho desta cita, o Centro Social editou um tríptico relativo à efeméride, percorrendo nele alguns dos aspectos centrais da continuidade histórica da primeira organizaçom independentista sectorial unitária de finais do sêculo passado.

... para a Greve Geral do 29!!

O Centro Social reaparece este novo curso político com a sua linha de actividades focadas na participaçom arredor do nosso espaço físico na sede de Quiroga Palácios.

Fazemo-lo ao nosso particular jeito: dando-vos de comer!, se é que nom vos animades a participar também nos preparativos...

A partir das 21,30 horas do dia prévio à jornada de luita e reivindicaçom da nossa classe, companheiros e companheiras juntaremo-nos à mesa para dar o calor que um dia assim vai requerir-nos. Para deixar as maos livres à agitaçom, descansaremos do trabalho após as horas de cozinha necessárias para habilitar o local e colocar as raçons na mesa.

Arroz com coelho, faves estufadas com talharins e torta para escolher: de chocolate ou de pêssego e nata.

Esperemos que a jornada do 29 seja frutífera para os nossos interesses de classe, e a digestom seja ao calor da luita operária.

Bem-vindos mais um ano político ao Centro Social!

O jantar deocrrido após a manifestaçom das Letras na capital foi um dos mais numerosos dos servidos no local da rua Quiroga Palácios.

Os e as comensais degostárom suculentos pratos e sobre-mesa, num dia de sol radiante que finalizou sendo mais umha das 4 reivindicaçons consecutivas que, de forma maciça, transladárom às ruas de Compostela milhares e milhares de galeg@s.

Apenas havia espaço no local para a comodidade das pessoas assistentes. Porém, finalmente nom houvo problema para ubicar as mais de meio cento de clientes.

O nosso local vai estar aberto para receber, mais umha vez, as pessoas que tomem parte numha mobilizaçom nacional cujo cenário serám as ruas da capital do País. Compostela, a nossa cidade, convida galegas e galegos conscientes da situaçom de minorizaçom e ameaça extintiva que se cerne sobre a nossa língua, a participar numha mobilizaçom com o galho do 17 de Maio.

O Dia das Letras, feriado no calendário institucional, segunda-feira da semana que vem, volve chamar a Galiza viva a secundar umha marcha que se prevê multitudinária em defesa do galego. A plataforma dirigiada polo autonomismo bilingüista, Queremos Galego, convocará milhares de pessoas. E o reintegracionismo, do qual o nosso Centro Social fai parte orgulhosamente, também se fará ver como alternativa viável e honesta polo monolingüismo social e a promoçom da internacionalizaçom natural do galego.

Um bloco laranja em que tomaremos parte percorrerá as ruas da capital chamando a normalizar a língua utilizando as ferramentas da normativizaçom autónoma de Espanha e da sua simbologia ortográfica.

E depois, um jantar. Para que todas as pessoas vindas de fora tenham um espaço e tempo para o convívio e a degustaçom das nossas ementas. Preparadas com o trabalho de dezenas de activistas locais, satisfaremos o apetito e o acomodo de dezenas de irmaos e irmás de luita.

Salada de ave com granada, arroz preto com jíbia e umha copa de gelado e frutas de sobremesa. Apetecível, nom é? Pois podes apontar-te com só um requisito: que participes antes no bloco 100% em galego.

Vemo-nos o nosso Dia das Letras!

Compostela vive além das suas instituiçons públicas. E este ano, pola primeira vez, numerosos colectivos activos na vida política e lúdica da capital da Galiza formulamos um programa de actividades alternativo às Festas da Ascensom, estas sim oficiais no calendário de actividades do Concelho.

O Centro Social Henriqueta Outeiro incorporou-se às actividades das Festas Populares 2010. Pareceu-nos umha iniciativa excelente para activar a populaçom local e interferir na vida ordinária das semanas festivas da cidade com umhas festas organizadas desde abaixo. Desde as assembleias de activistas que durante todo o ano fam possível que Compostela seja algo mais que aborrecid@s estudantes "chapons" e "chaponas", algo mais que recordes de alcoolímetros para descansar as maos e a cabeça os fins de semana, algo mais que funcionári@s de passeio aletargado, algo mais que missas lotadas e música estridente contaminando a Alameda quando chega o calor e a imensa nora...

Desde a humildade das nossas possibilidades sabemos que o podemos passar em grande. E fazer umha vida festiva muito mais interessante e amena que a oferecida ritualmente polos concelhos do País.

Nós, o dia 8 de Maaio, imos saír de passa-ruas. Com bandeiras e @s noss@s músic@s. De rota desde a Porta do Caminho até o Centro Social em Quiroga Palácios, onde remataremos com um dos nossos espectaculares jantares.

Animas-te? Vem-te o sábado às 12,30 à Porta do Caminho!

Já vam lá dous anos que faleceu o nosso amigo e camarada comunista português Francisco Martins, vítima dumha doença física. O melhor amigo que Galiza tivo no colectivo Política Operária, embaixador da nossa luita nacional, social e de género, morria a noite dum 22 de Abril.

Passou-se este 2010 um novo aniversário doutro dia de Abril exportado desde o país vizinho para o mundo, o 25.

Dous dias de Abril que sempre viverám na memória das pessoas simpatizantes com a esquerda portguesa heterodoxa e genuína, como aquela sobre a qual tanto aprendemos com o "Chico".

Há menos de dous anos dedicávamos um jantar revolucionário a ele. Daquela, o Centro Social editara um colante e um tríptico digitalizado. O colante encabeça esta notícia, e o tríptico sobre a vida do Francisco Martins Rodrigues podedes lê-lo ou relê-lo clicando cá .

Até a vitória sempre, companheiro! Saúda mais um ano o Centro Social Henriqueta Outeiro a tua memória, e aliás às pessoas queridas que compartimos no vosso Portugal natal.

Finalmente as nuvens aguentárom e até a tarde nom pingou sobre as ruas de Compostela. Um domingo tranquilo, sem apenas gente pola rua, foi umha boa ocasiom para mostrar na capital do nosso País, nas ruas da nossa cidade, que Cuba tem amigas e amigos na Galiza. Que tem defensoras e defensores da sua Revoluçom, e que a farsa mediática tem muito poder através dos cabos e das ondas de televisom, mas carece da força necessária para convencer as centenas de pessoas que imos continuar a defender a soberania do Povo cubano, e a sua transiçom imparável e duradoira face a umha sociedade sem exploraçons de qualquer tipo.

Jantar no Centro Social

Mais um domingo, tivemos as portas do local abertas para acolher activistas. Desta volta dezenas delas e deles que vinham de rematar na Praça do Toral a marcha convocada pola Associaçom de amizade galego-cubana Francisco Vilhamil.

Foi um dos encontros mais grandes em participaçom, e portanto um dos mais laboriosos para a nossa equipa de cozinha e limpeza, encarregada de oferecer um serviço de primeira aos e às convidadas.

O Centro Social Henriqueta Outeiro agradece a confiança que depositam em nós dezenas de companheir@s de todo o País. Após vários anos de trabalho, sabem que se há que vir a Compostela, um lugar para comer bem e em boa companhia está em Quiroga Palácios.

O Centro Social Henriqueta Outeiro vai alargar a homenagem à Revoluçom cubana que Galiza vai fazer saíndo às ruas na sua defesa este Domingo.

A capital do País volve ser o lugar de encontro para centenas de pessoas que virám mostrar, convocadas pola Associaçom de Amizade Galego-Cubana "Francisco Vilhamil", a sua solidariedade e adesom à revoluçom antiimperialista que protagoniza o Povo da ilha caribenha.

Após anos e anos de simbiose entre a imprensa burguesa de sempre e os interesses do grande capital, os últimos meses arreciou-se a ofensiva mediática. O capitalismo em crise precisa de esmagar a resistência em todas as áreas do mundo, e a América Latina é um terreno especialmente incómodo, onde Cuba representa umha vanguarda que Obama e companhia temem especialmente. Nada pior para eles e os seus sequazes que um Povo culto e em armas preste para defender a sua Pátria da irracionalidade do mercado.

Jantar

A seguir da manifestaçom que parte às 12,30 da Alameda, por volta das 15 horas, teremos a oportunidade de irmos jantar ao nosso local em Quiroga palácios.

A ementa da ocasiom:
- Arroz congri
- Fricase de polo à cubana
- Flam de ananás

Este jantar popular servirá de encontro para berrar, já sentad@s, "Pátria, Socialismo ou Morte! Venceremos!"

Adiante com a Revoluçom Cubana!

A organizaçom juvenil do MLNG, BRIGA, convocou para o passado sábado um intenso dia de actividades na Galeria Sargadelos. Estas ocupárom toda a jornada, desde a manhá até a mesma noite, quando muitas mulheres e alguns homes se deixárom cair polo local 'As Dúas'.

A hora de jantar foi pois, umha nova ocasiom para que as pessoas participantes nas sessons de debates e palestras de manhá e tarde pudessem descansar um bocado. E encher o estômago. Para isto, nengum lugar melhor do que o nosso Local na rua Quiroga Palácios, dirigido desde a cozinha magistralmente polo Paco e os seus e as suas "pintxes".

Dous pratos e umha sobre-mesa fôrom oferecidos às pessoas assistentes, para a seguir abandonarem o local de novo rumo à zona velha, onde continuariam com a formaçom feminista.

O passado 20 de Março decorreu no local da rua Quiroga Palácios o quarto encontro de debate e formaçom impulsionado desde o Centro Social Henriqueta Outeiro.

Mais umha vez, várias pessoas juntárom-se ao longo de manhá e tarde para debater sobre a base duns textos recomendados. Estes fôrom explicados ou utilizados de referência durante a ponência por parte dum militante experimentado na elaboraçom teórica do pensamento nacional e de esquerdas sobre os modelos de estruturaçom das organizaçons nacionais e de classe.

Amanhá começa o mês de Abril e será entom que procuraremos continuar esta jeira mensal de encontros para a formaçom.