O Centro Social Henriqueta Outeiro foi convidado e partícipe no acto de encerramento da V Assembleia Nacional que a organizaçom política do Movimento de Libertaçom Nacional Galego, Nós-UP, realizou há três dias na cidade surenha, para nós, de Vigo.

Desde Compostela deslocou-se em representaçom do Centro Social a nossa companheira Rosa Casais, jovem migrada em Compostela e activa responsável do local.

Junto a mais dumha dúzia de colectivos, ora presentes, ora ausentes, o nosso Centro Social saudou o sucesso do quinto máximo órgao assemblear da entidade socialista. Com ela partilhamos a procura consequente e honesta dum futuro lilás e vermelho para a nossa Pátria livre. Nos próximos dous anos, esperemos que sejam muitos os motivos para o encontro nesta batalha.

Lembrasmo-vos que desde há semanas o Centro Social Henriqueta Outeiro mantém os dias e horário de abertura deste ano académico.
De segundas a sextas, ambas incluidas, de 19 a 23 horas.
Nesse tempo podedes aceder livremente às instalaçons do nosso local e informar-vos das nossas actividades mais imediatas. Ou aliás, obter informaçom para associar-vos. Ou, simplesmente, tomar algo.

A quarta-feira às 20,30 o Centro Social oferece-vos umha nova cita. Desta volta trata-se dumha palestra sobre língua com o autor trasanquês Maurício Castro.

Ele póprio apresentará o seu livro "Galiza vencerá!". Sob este título recolhe a novidade da Abrente Editora na altura de Julho do presente ano. Umha selecçom de artigos escritos polo professor de português, que já fora apresentado no Parque de Belvis coincidindo com o Dia da Pátria e a sua recente publicaçom. Todos eles relacionados com a nossa língua e a sociolingüística.

No Centro Social Henriqueta Outeiro coidamos que devemos reivindicar agora mais do que nunca a vigência do nosso idioma como instrumento internacional e útil de desenvolvimento social e individual sem sobmetimento ao espanhol. Temos umha língua rica, com umha grafia história conservada nos cinco continentes, à qual queremos aderir para afortalar a consciência da identidade nacional-cultural do Povo Trabalhador Galego.

Deste e de quaisquer aspectos da realidade lingüística da Galiza poderemos falar e debater a quarta-feira.

Ficades convidad@s!

O Centro de Estudos Marxistas retorna às nossas instalaçons. Após muitos meses de paralisaçom da actividade formativa deste grupo incentivado por pessoas de princípios marxistas, independentistas e antipatriarcais, na linha política do nosso Centro Social orgulhosamente ideologizado, volve-se começar.

Nesta ocasiom o perfil dos encontros do Centro de Estudos Marxistas (CEM, em adiante) variará. Já nom se repetirám as falidas reunions informais de há mais de um ano. Agora reuniremo-nos ao longo dum dia, com descanso para jantar, com um horário de manhá e tarde durante o qual aprofundar sobre a leitura de determinados textos de referência acordados previamente. Umha ou várias pessoas encarregarám-se nas citas da ponência dumha temática concreta. Sobre ela e a partir dos conhecimentos de cada quem, teóricos e práticos, formularemos um encontro interactivo entra todas as pessoas participantes, pretendendo alcançar consensos, discutir matizes, orientar interpretaçons enganosas ou mesmo qüestionar-nos ideas de fundo.

Se quigeres saber mais do Centro de Estudos Marxistas do Centro Social Henriqueta Outeiro, podes consultar-nos escrevendo para o nosso correio: cshenriquetaouteirogz@gmail.com

Irreverência na discussom!

Lealdade na acçom!

Após o último encontro político arredor da gastronomia, o Centro Social recupera os Jantares Revolucionários como elemento quotidiano do nosso projecto para este curso político.

Já entrado Novembro, oferecemos-vos o ambiente fraternal do nosso Local onde tod@s tedes sítio para goçar dum exótico encontro gastronómico.

Desta volta, arredor da figura do líder anti-colonial Patrício Lumumba, primeiro ministro em 1960 da República Democrática do Congo libertada do jugo belga por unmhas semanas, até ser derrocado o governo, e assassinado Lumumba quando confirmou que a independência política atingida nom colmava as aspiraçons do nacionalismo congolenho. O opróbio da exploraçom das grandes potências capitalistas era para este home e o seu movimento um objectivo a bater.

Como símbolo de resistência e combatividade, e de sacrifício até a morte pola causa da emancipaçom nacional e social, rendemos-lhe tributo. Para isso, um companheiro exporá umha breve síntese da sua vida política, e o chefe de cozinha Paco e as suas e seus "pinches" acondicionarám a mesa para a ocasiom, com a seguinte ementa:

- Salada de arroz, yuca, plátano macho, milho e polo
- Jarrete estufado agridoce
- Macedónia tropical: manga, ananás, papaia, laranja e banana.

Lamentamos comunicar que hoje, ao contrário do previsto e anunciado neste mesmo portal, nom decorrerá o Magusto do Centro Social Henriqueta Outeiro.
A suspensom deveu-se às confirmados agoiros climáticos. Adiamos porém a celebraçom para nom renunciar a organizar polo segundo ano e em melhores condiçons um Magusto próprio do bairro de Sam Pedro.

Esta sexta-feira dia 6, a partir das 21,30 horas, o Centro Social Henriqueta Outeiro chama-vos a participar no segundo Magusto da nossa história.

Será na explanada do cruzeiro de Sam Pedro, um lugar concorrido da capital galega, onde esperamos animar a vizinhança da zona amenizando a noite com esta celebraçom cultural autóctone.

As castanhas, os chouriços, e algumhas bebidas farám-nos entrar em calor neste primeiro fim de semana do mês do Samhaim. Tampouco faltará a música típica destas festas.

Nom faltedes!

A guerrilheira comunista galega que dá nome ao nosso centro social faleceu há agora vinte anos. A 31 de Outubro de 1989, a poucos meses de cumprir os oitenta anos, morria no hospital de Sam José de Lugo Henriqueta Outeiro Branco, também conhecida como ?Maria das Dores?.

Full story »

Coincidindo com o vinte aniversário do falecimento publicamos a biografia editada a umhas semanas por NÓS-UP, nos dias prévios à celebraçom do Dia da Galiza Combatente.

Todas as terças-feiras às 20h30 no nosso Centro Social. Para apontar-te podes ligar ao 647 076 916 ou passar-te polo Centro Social em horário de apertura.