Desde há aproximadamente duas semanas, o Centro Social Henriqueta Outeiro acolhe nas suas instalaçons da Rua Quiroga Palácios um Curso de Pintura dirigido pola professora Susana Paços.
Todas as terças-feiras, de 18 a 22 horas, umha dezena de mulheres e homens reunem-se no Local para aprender a pintura ao óleo e aquarelas.
Da Assembleia Aberta do Centro Social parabenizamo-nos pola progressiva abertura do nosso espaço físico a iniciativas criativas sobre cuja participaçom podes interessar-te escrevendo-nos ao endereço electrónico: cshenriquetaouteirogz@gmail.com
Já estám a disposiçom de todos e todas, no nosso local, os cartons que Siareir@s Galeg@s oferece por 5 euros para filiar-se à entidade em defesa do desporto nacional.
Próxim@s à celebraçom dos jogos de futebol masculino Galiza-Camarons e feminino Galiza-Catalunya em Balaídos, Vigo, este cartom garante às pessoas que o obtenham, e com ele a filiaçom, a possibilidade de assistir ao estádio de maos dadas com o sector mais combativo e comprometido com as nossas selecçons.
A sexta-feira 14 de Dezembro a partir das 20.30 tem lugar no Centro Social Henriqueta Outeiro a segunda sessom de debate e reflexom marxista do Centro de Estudos Marxistas Henriqueta Outeiro.
Nesta ocasiom o texto a debate é o Que Fazer?. Problemas candentes do nosso movimento escrito por Lenine entre o outono de 1901 e Fevereiro de 1902.
Adriam Argibai, em representaçom da Assembleia Aberta do Centro Social Henriqueta Outeiro, participou em representaçom da nosso Centro Social no acto de encerramento da IV Assembleia Nacional de NÓS-Unidade Popular decorrida no passado sábado 1 de Dezembro no Concelho de Teio, Comarca de Compostela.
Por fim está na rua umha nova obra editorial importante para todos e todas as que escrevemos conforme as normas do galego histórico ou reintegracionista: o Manual Galego de Língua e Estilo, da autoria de Maurício Castro, Beatriz Peres e Eduardo Maragoto. Um volume de 495 páginas acompanhado de um CD com o processador de texto Open Office e o verificador ortográfico para galego-português.
Umha escolhida ementa russa congregou sábado 17 de Novembro no Centro Social Henriqueta Outeiro as pessoas assistentes ao segundo Jantar Revolucionário. Esta segunda ediçom foi dedicada a comemorar a Revoluçom Russa, e em particular ao seu mais senlheiro dirigente, Vladimir Ilich Uliánov Lenine.
A sexta-feira 23 de Novembro a partir das 20.30 tem lugar no Centro Social Henriqueta Outeiro a primeira sessom de debate e reflexom marxista do recém constituído Centro de Estudos Marxistas Henriqueta Outeiro.
Desde há umhas semanas, as pessoas participantes na Assemblea Aberta do Centro Social Henriqueta Outeiro vimos definindo o que agora fazemos público: a constituiçom do Centro de Estudos Marxistas.
A Assembleia Aberta do Centro Social Henriqueta Outeiro organiza o sábado 17 de Novembro às 15h o segundo Jantar revolucionário mensal para homenagear destacad@s revolucionári@s da Galiza e a nível internacional.
A Assembleia Aberta tem o prazer de comunicar no nosso blogue a realizaçom de mais um acto de clara identidade política por parte de umha das diferentes organizaçons que empregam o Local Social da Rua Quiroga Palácios, onde a Assembleia Aberta desenvolve as nossas actividades e anima outrem a fazê-lo.
O CS Henriqueta Outeiro é umha iniciativa da esquerda independentista para se dotar de espaços próprios onde realizar actividades sem nengum tipo de entraves [+info]
Porque nos chamamos Henriqueta Outeiro
Em reconhecimento da luitadora revolucionária Henriqueta Outeiro Branco, símbolo do compromisso e entrega de milhares de mulheres e homens galeg@s à causa das liberdades e da justiça social.