Umha comida típica: cozido. E umha sobre-mesa mui bem recebida, malia a enchenta estomacal após o primeiro prato. Um delicioso cremoso de laranja que papou todo o mundo com grande prazer.
Com esta ementa, e após a mobilizaçom pola língua que decorreu ao longo da manhá desde as 12 horas, cobrimos um serviço no qual adquirimos grande experiência: preparar e servir um jantar nas instalaçons do nosso local em Quiroga Palácios. As pessoas comensais agradecêrom poder ter, por um preço módico de 10 euros, acesso a umha oferta gastronómica e de companhia que o Centro Social Henriqueta Outeiro gostosamente realiza.

A nossa cidade removeu por umhas horas a impronta espanholista que os poderes fácticos imprimem sobre ela a diário. Umha multidom de galegas e galegos enchérom as ruas céntricas da capital da Galiza. Foi a segunda com apenas 5 meses de diferença. Desde o Dia das Letras até o domingo passado, quando o começo do ano político nos brindou umha ocasiom genuína para mostrar na voz de milhares de pessoas que o povo nom quer os espanholistas no poder, seja como for que estes chegárom a ele.

Full story »

O Centro Social Henriqueta Outeiro é umha das entidades convocantes da marcha reintegracionista que participará amanhá dia 18 numha jornada de mobilizaçom pola língua que se espera multitudinária. A Plataforma Galego Sempre Mais, que já conseguira um importante sucesso com o seu bloco crítico laranja o Dia das Letras, volve reivindicar o seu sinal de identidade reintegracionista como base na recuperaçom e alargamento dos usos sociais da nossa língua, face ao monolingüimo social.

Full story »

A semana passada o Centro Social deslocou-se, representado por vári@s companheir@s e camisolas editadas pola nossa Assembleia Aberta, até Castro Verde. O concelho luguês foi o destino escolhido pola organizaçom política Nós-Unidade Popular para render homenagem à comunista Henriqueta Outeiro, quem dá nome ao nosso Local em Compostela.

Conjuntamente com a militáncia política e achegad@s à entidade convocante, participamos na viagem por estrada de ida e volta. A localidade recebeu-nos alumeada por um sol intenso, calor incluida. Ao longo do decurso do acto, fôrom intervindo várias pessoas, com manifestaçons poéticas e políticas. Entre elas, a da nossa companheira Rosa Casais. Durante vários minutos, Rosa leu o manifesto de apoio ao acto e de orgulho por estarmos presentes levando o nome da homenageada.

Full story »

A Assembleia Aberta do CSHO organiza um jantar popular para o próximo domingo, 18 de Outubro, ao rematar a manifestaçom em defesa da nossa língua na que participaremos dentro do bloco crítico da Plataforma "Galego sempre mais". A ementa será cozido galego e Creme de queijo com marmelada de laranja.

Para reservar o teu bono podes ligar com o telefone 660 713 095.

Reproduzimos a transcriçom do discurso da companheira Rosa Casais durante o acto político do Dia da Galiza Combatente o passado 11 de outubro na freguesia de Miranda (Castro Verde, comarca de Lugo).

Para mais informaçom no web: www.nosgaliza.org

Full story »

Superado o paréntese do verao o Centro Social Henriqueta Outeiro recupeou a actividade. Moncho Reboiras foi homenageado sábado 19 de Setembro no XV Jantar Revolucionário. Umha intervençom de André Seoane resgatou a figura do combatente comunista e independentista, assassinado 12 de Agosto de 1975 em Ferrol.

A organizaçom política Nós-Unidade Popular vem de fazer pública a homenagem a Henriqueta Outeiro como conteúdo da nona ediçom do Dia da Galiza Combatente. Esta jornada de reivindicaçom patriótica e rebelde fora instaurada com motivo do seu nascimento, a começos da década. Desde entom, o 11 de Outubro foi medrando aos poucos na sua repercusom mediática e, também, na dimensom dos seus actos.

Full story »

A Assembleia Aberta do CS Henriqueta Outeiro organiza o próximo 19 de Setembro mais um novo jantar revolucionário desta vez dedicada à figura do jovem comunista galego Ramom Reboiras Noia "Moncho Reboiras".
O jantar que começará às 14h00 contará com umha ementa galega composta de Pastel de filhoas e espinafres, Caldeirada de peixe, Empada de maçá, Ribeiro e café.

Para reservar o teu bono podes ligar com o telefone 660 713 095.