A Associaçom Cultura Foucelhas vem de editar, em colaboraçom com quatro livrarias ordenses (Arume, Artes e Xogos, Tango e La Repro), duzentos marca páginas sobre a figura do guerrilheiro de Abelhá Manuel Ponte Pedreira. O marca páginas inclui umha reproduçom da gravura que Luís Seoane dedicou ao guerrilheiro e um poema, também de homenagem, de Lourenço Varela. Engadimos também umha pequena biografia para ajudar a recuperar a memória deste emblemático combatente pola liberdade da comarca de Ordes. Os marca páginas podem-se conseguir nas livrarias colaboradoras ou bem pondo-se em contacto com nós (foucelhas.ordes@gmail.com).

Aproveitamos para agradecer-lhe às livrarias a sua amável colaboraçom e, a mode de fé de erros, desculpar umha equivocaçom no marca páginas; onde di que tanto o poema como a gravura som de Luís Seoane, deveria dizer que a gravura é de Seoane e o poema de Lourenço Varela.