Entre os actos de homenagem ao líder irmandinho Luís Porteiro Garea, soterrado em Gafoi (Frades), a Associaçom Cultural Foucelhas publica um caderno da autoria de Ernesto Vázquez Souza que estuda três pontos importantes da sua vida: a incorporaçom da defesa da língua ao programa nacionalista galego, a ajuda internacionalista com o nacionalismo catalám, e a primeira candidatura do nacionalismo galego nas eleiçons de 1918, boicotada polo caciquismo até o ponto de intentarem rematar com a vida de Porteiro.

O autor, Ernesto Vázquez Souza, é especialista nesta época do nacionalismo galego. Foi professor em Chicago de língua e cultura galega para o Instituto Cervantes. No 1998 estivo de Leitor na Universidade de Montevideu. Na actualidade é membro da Academia Galega da Língua Portuguesa (a instituiçom que representa internacionalmente a língua galega como parte da lusofonia em pé de igualdade e que recentemente inclui no Vocabulário Comum as palavras propriamente galegas que nom existem em Portugal, Brasil, e os países africanos de língua galega).

O caderno, de 32 páginas, também recolhe um artigo de Luís Porteiro em defesa do ensino em galego, e umha carta póstuma na que comenta os pontos que está a trabalhar para a decisiva Assembleia Nacionalista de Lugo (1918) à que finalmente nom poderá acudir. Inclui-se também o famoso poema ?Em pé!? de Ramom Cabanilhas, que dedica a Porteiro. O caderno pode-se conseguir enviando um correio a foucelhas.ordes@gmail.com, por só um euro. Aliás, está disponível aqui mesmo para descarregar em formato digital.

-Descarregar caderno: http://www.pglingua.org/images/stories/pdfs/2009/031109_luis_porteiro_garea.pdf

-Recensom no Portal Galego da Língua: http://www.pglingua.org/index.php?option=com_content&view=article&id=1464:luis-porteiro-garea-o-ideologo-do-nacionalismo-irmandinho&catid=7ublicacons&Itemid=70