Familiares e vizinhos dam umha emotiva homenagem a Luís Porteiro Garea junto com a AC Foucelhas

Familiares e vizinhos dam umha emotiva homenagem a Luís Porteiro Garea junto com a AC Foucelhas

09-11-2009

Por volta de trinta pessoas juntárom-se no cemitério de Gafoi para homenagear ao líder do nacionalismo galego Luís Porteiro Garea. Da AC Foucelhas pudo-se contactar finalmente com familiares de Porteiro Garea: netos, bisnetos, e até umha nora do irmandinho, aliás de vizinhos da zona que acudírom à homenagem orgulhosos de que ?o corpo de um líder do galeguismo esteja aqui, em Gafoi?. O apelido Garea é mui comum por todo o concelho de Frades, e quem recordava a existência de Porteiro Garea falava dele como de um ?superdotado, que chegaria a ser tam importante para o país como Castelao de nom ter morrido tam novo?.

As pessoas assistentes recebêrom como presente da AC Foucelhas um exemplar do caderno editado para a ocasiom, que recolhe três artigos de Ernesto Vázquez Souza. Procedeu-se assim mesmo à interpretaçom do Hino do Antigo Reino da Galiza para começar o acto, dando passo à leitura do discurso e oferenda floral, rematando com o hino galego.

Da AC Foucelhas propujo-se-lhe à família a iniciativa de mercar umha lápida nova -em galego- para a tumba de Porteiro Garea, pois a actual está grafada em espanhol. Da família comentárom que a actual lápida foi pagada pola cámara municipal de Compostela (era vereador ali, o primeiro nacionalista) e que, de facto, Porteiro Garea estivo primeiro enterrado em Compostela, para ser posteriormente transladado ao cemitério paroquial de Gafoi, na Ponte Carreira (Frades). Entre as pessoas assistentes sublinhou-se que o amor de Porteiro à nossa língua devia ser respeitado. É bem reveladora a sua frase: ?...vimos como umha raça que para chorar e cantar usava um idioma próprio se via obrigada a empregar um mal castelhano para rezar. Compreendíamos que tínhamos de tratar um problema político?.

Entre os presentes, um político local recordou como a actual corporaçom municipal esbanjou a placa que anteriormente recordava o orgulho dos fradenses de contarem com Luís Porteiro como vizinho. Esta fora colocada no centro do ?Parque Luís Porteiro?, na Ponte Carreira, mas actualmente deslocou-se e finalmente foi destruída.

Escrito ?s 22:01:22 nas castegorias: ACTIVIDADES
por ordes   , 333 palavras, 427 visualizaçons     Chuza!

Endereço de trackback para este post

Trackback URL (clique direito e copie atalho/localizaçom do link)

Sem comentários ainda

    Julho 2020
    Seg Ter Qua Qui Sex Sab Dom
     << <   > >>
        1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30 31    
    A Associaçom Cultural Foucelhas pretender coordenar a constituiçom de um centro social para a comarca de Ordes, que sirva de "base de operaçons" para todo tipo de actividades de defesa do nosso. Organiza-se de forma assembleária e está aberta a todo o mundo. Podes contactar através do correio foucelhas.ordes@gmail.com

    Busca

powered by b2evolution