canta o merlo

O Reino da Espanha é o Estado da U.E. onde em menos de umha dúzia de anos se multiplicarom os magnates, e case todos eles vencelhados ao mundo da construçom que é a cerna da economia espanhola. Agora o Departamento de Estado norte-americano afirma algo que era de sobra conhecido: "Um da cada cinco consumidores de cocaína da UE vive em Espanha onde também é alto o consumo de heroína e drogas sintéticas", O documento também afirma que parte dos rendimentos procedentes do comércio da droga som investidos em propriedades imobiliárias espanholas.

Nom é nada novo afirmar que o tijolo serve para lavar os grandes benefícios obtidos com a morte da gente nova, fundamentalmente das classes trabalhadoras, por coca, heroína e drogas sintéticas. Se o enriquecimento dos grandes patrons vai junguido ao narcotráfico, nom é menos certo que a droga é o melhor gendarme para controlar a violentaçom sentida e percebida polos rapaces das classes populares, fazendo que o seu potencial de rebeldia se volte contra eles mesmos, a través da auto-destruçom. Tudo esto leva-me a me fazer umha pergunta. Nom se tratara de um desenho de Política de Estado?