canta o merlo

A luita de classes é um facto real e a neutralidade em frente à mesma é impossível. O que a nega se compromete e tomada partido, ainda que nom o reconheça, ainda que nom se de conta.

Umha análise de classe, nom só deve atender às formas de exploraçom e extracçom do plus-trabalho, senom também ao processo de dominaçom e subordinaçom de classe. Neste último aspecto, o Estado e os governos nas sociedades capitalistas jogam um papel fulcral. Cabe aclarar que estimamos ao Estado como uma instância que nom é autónoma do capital, mas também nom redutível às determinações económicas do capital. A estrutura da dominaçom na sociedade de classes assenta-se na propriedade e o controle dos meios de produçom, no controle dos meios administrativos e coercitivos do Estado e no controle dos meios de consenso (que inclui os meios de comunicaçom). Nom faz falta ser proprietário de meios de produçom para extrair plus-trabalho, o Estado, por exemplo, é um grande extractor de plus-trabalho; nom só em tanto patrom (que o é a cada vez menos), senom basicamente como arrecadador de impostos. A arrecadaçom de impostos é central na extracçom de mais-valia e nom requer da propriedade dos meios de produçom, senom de poder político.