canta o merlo

Ossiam

Se a com a depressom económica que agora se inicia no mundo capitalista nom tivéssemos abondo, ainda vai ser agravada pola política económica proclamada por Feijóo tanto no percurso da sua campanha eleitoral como em declaraçons posteriores. Tal parecesse que o novo presidente da Junta de Galiza quisesse levar aposta ao País à falência ao deixar entender que de novo abre a espita para o saqueio puro e duro da nossa costa por parte da patronal, galega e madrilenha amais de outras políticas económicas e fiscais enunciadas. A aberraçom do Monte Gaias, saco sem fundo por onde escorrem o dinheiro público, seguirá adiante, neste caso temos que incluir ao BNG com a sua nefasta conselheira, Bugalho, ao assumi-lo quando conformavam governo com o PSOE.

Fecham empresas umha dia sim e outro também, aumenta o desemprego, mas o mausoléu fraguiano continuara com o seu engolir de recursos como expressom de despotismo e da arbitrariedade e, como todo o mundo conhece, umha cousa som os orçamentos previstos e outros os reais, pois os mesmos tenhem como costume fazer derrapagens da ordem dos 40, 50 ou mais por cento.

Esses centos de milhons de euros serám botados à boca do caimam da fachenda vouga, som hoje imprescindíveis para a criaçom de umha entidade financeira pública que artelhe umha área económica pública e com a mesma dinamizar o conjunto da economia galega e gerar postos de trabalho, e dizer dar pam e bem-estar aos galegos.