O VATICANO: A corte dos pederastas (I)

16-04-2010

  23:50:48, por Corral   , 623 palavras  
Categorias: Dezires

O VATICANO: A corte dos pederastas (I)

Rebelion.org

Chegou a Igreja ao seu ocaso com as denúncias de pederastia?

Acho que a Igreja ainda tem capital simbólico que lhe permite seguir jogando. Mas definitivamente perdeu posiçons de respeitabilidade. Nom só é um problema de nom ter vocaçons, senom que nom tem respostas para os problemas da sociedade contemporânea. Ficou claro que Marcial Maciel era um macho, que tinha várias mulheres, que se drogava... mas nom usava condons. E também está absolutamente claro que Juan Paulo II foi um protector de pederastas. Defendeu ao arcebispo de Viena Hermann Groer até que se fixo insustentável. Ou ao mesmo Maciel.

Por que nom há umha reacçom contundente contra eles?

Eu revisei os documentos aprovados por Juan Paulo II, por Ratzinger e por Juan XXIII sobre os pederastas. E a sançom para um mexeriqueiro é maior que para um pederasta. Aos que fazem a investigaçom os obrigam a manter silêncio. Se incumprem-no som excomungados. A Maciel, como estava mui velho, decidiram nom lhe fazer o processo canónico. Mas se alguém tivesse falado sobre o processo canónico de Maciel o tivessem excomungado, e a Maciel nom. Isto demonstra que a Igreja é umha organizaçom mais preocupada polo seu prestígio que pola missom religiosa que teria que levar. Mantém a mesma atitude que na Inquisiçom. E isso fortalece a crise. Cola-se um tiro no pé constantemente.

A relaçom entre o Vaticano e os legionários sustenta-se em dinheiro?

Os legionários contribuíam ao redor de 100 milhons de euros ao financiamento do Vaticano e neste mundo capitalista o que paga manda. Estima-se que os legionários tem de capital mais de 20.000 milhons. Mas os legionários violaram umha regra do Vaticano: que ninguém pode ter mais força que o Vaticano mesmo. Isso é umha guerra de poder.

Como terminará a investigaçom aberta sobre Maciel?

É de riso, é umha burla. A Igreja sabe perfeitamente quem é Maciel. Desde os anos 50 sabe que era drogadicto porque um colégio de farmacêuticos denunciou que os seus seminaristas pediam derivados da morfina sem receita. O que dizem que vam descobrir já o sabiam de dantes. Esta investigaçom dá um viso formal público, mas o problema que tem é como desmantelam a Legiom.

A Igreja nunca vai reconhecer que tem umha rede de protecçom de delinqüentes. Quando transcende, a instituiçom pressiona sobre os pais para que nom fagam a denúncia e começa a lhe dar voltas até que já prescreveu o delito. É um mecanismo deliberado de protecçom de delinqüentes. Mas nom é umha decisom individual dos bispos. Existem dous documentos, um assinado por Joám XXIII e outro por Ratzinger, que proíbem terminantemente aos bispos levar à justiça comum os casos de abuso sexual e implantam o segredo.

Saltárom mais casos como o do espanhol José Ángel Arregui?

Preparem-se. Em México, por exemplo, esteve o caso de Nicolás Aguilar, que de forma descarada era um prófugo da justiça norte-americana mas figurava no directório dos sacerdotes da Igreja católica mexicana à frente de umha paroquia. Deu-se também o caso de um sacerdote que estivo inclusive condenado a prisom e a Igreja pressionava ao governador para que saísse em liberdade. Quando saiu lhe estavam a organizar umha homenagem. Que terá gente decente dentro da Igreja, isso ninguém o discute, mas em muitos casos quem tem o controle protegem a estes delinqüentes.

E a Igreja espanhola está a protegê-los?

Vendo a dinâmica, nom podemos descartar a possibilidade de que tenha sacerdotes espanhóis fora de Espanha para acochar o seu comportamento ou porque a mesma instituiçom considerou perigosos. No caso de Arregui, é evidente que em Espanha sabiam perfeitamente a que se dedicava. E é muito provável que o mandassem por isso a Chile. Um se inteira de um caso e tende a pensar que deve ter 50 iguais ou piores.

1 comentário

Comentário de: stefano [Visitante]  
17-04-2010 @ 17:59
Agosto 2020
Seg Ter Qua Qui Sex Sab Dom
 << <   > >>
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Busca

  Feeds XML

Ferramentas de administração

powered by b2evolution free blog software