canta o merlo

Iarnoticias.

O sistema capitalista, nom é outra cousa que umha organizaçom delictiva legalizada convertida em abstracçom numérica. É umha simples operaçom matemática (roubar ao próximo com a política e a guerra) que terminou convertida numha civilizaçom: O sistema capitalista nivelado como "mundo único" a escala planetária.

O capitalismo nom é nada mais que umha empresa de ladrons comuns, que nivelou a escala planetária um "sistema" (económico, político e social) para legalizar e legitimar com leis e instituiçons um roubo em massa e planetário de trabalho social e de recursos naturais, disfarçado de "economia mundial".

Na economia, o coraçom estratégico do sistema capitalista, nom existem nem a verdade nem a mentira (som só moralismos antitéticos para controlar cérebros), senom que existem situaçons objectivas e interesses comerciais que determinam o que e o pára que dos processos económicos.

E há que ter em conta um princípio provado pola história: A guerras militares nom se fam para matar (a morte é só um emergente do roubo) senom para dominar países, se apoderar dos seus recursos e dos seus mercados e os roubar com total impunidade. Toda a história do capitalismo (e dos sistemas imperiais que o precederam) está marcada por essa dinâmica (Ver: Operaçons psicológicas: A sua mente está a ser controlada por experientes ).

Como definiçom o capitalismo nom é somente um modelo económico, senom um sistema de dominaçom mundial estabelecido como civilizaçom única.