canta o merlo

http://elpravda.blogspot.pt/

Giorgos Marinhos, membro do Buró Político do CC do KKE, deu um discurso vibrante que levantou ao auditório em várias ocasions, mas ademais deixo claro que o KKE nom vai permitir que os Partidos oportunistas e euro-comunistas tentem lavar-se a cara dentro do movimento comunista internacional, carregando de jeito duro contra o oportunismo do PCE.

Desta maneira, no meio da sua intervençom, Giorgos Marinhos fixo umha rotunda declaraçom:

No encontro de Partidos Comunistas e Operários celebrado em Beirut há umhas semanas algum partido propujo que o PCE organizasse o próximo encontro em Espanha. Queremos que saibam que o KKE expressou a sua oposiçom a essa proposta e que lutará para que o PCE nom organize este encontro.

Os motivos som mais que evidentes, o KKE identifica ao PCE como um partido instalado dentro da 1ª fila do oportunismo político e com umha linha claramente euro-comunista, que pactua com a social-democracia do PSOE em Espanha e fai campanha por Syriza na Grécia.

Nom é a primeira vez que o KKE mostra publicamente as suas diferenças com o PCE/EU, já que justo há um ano o KKE mandou umha carta explicando claramente o que pensava sobre o programa eleitoral de EU. Mas o anunciou de que o KKE lutará activamente por impedir que o próximo encontro celebre-se baixo a direcçom do PCE, supom o mais duro golpe do Partido Comunista mais forte da Europa à linha política reformista levada a cabo pola direcçom do PCE, e que tantas vezes foi denunciada polos comunistas coerentes que ainda militam nele.