Esta sexta-feira, 6 de Novembro, a Associaçom Cultural Foucelhas celebrará umha homenagem a Luís Porteiro Garea no cemitério de Gafoi (Frades), onde está soterrado o corpo do luguês. O acto desenvolverá-se às 17h00, e constará de umha oferenda floral, leitura do texto em homenagem, e um grupo de gaiteiros da Pontraga (Numide, Tordóia) interpretará o hino galego.

Luís Porteiro Garea morreu prematuramente aos 29 anos por mor da gripe "espanhola", o 30 de Outubro de 1918. A sua influência no emergente nacionalismo galego foi importantíssima, sendo o líder natural das Irmandades da Fala, e responsável do seu passo da acçom cultural à luita política.

Para divulgar a sua figura, editamos também um caderno de 34 páginas recolhendo três artigos que Ernesto Vázquez Souza dedicou ao estudo Porteiro: o primeiro sobre a sua defesa da língua galega (que até o momento nom era um elemento central na reivindicaçom nacional galega), que o levou a reinvindicar linhas tam vigentes como a de: ?...defender o galego [...] como meio de inteligência com Portugal e a parte de América por ele civilizada para onde vai muita da nossa emigraçom.?

; o segundo sobre a embaixada de Barcelona de 1917, na que os nacionalistas irmandinhos estreitárom laços com o nacionalismo catalão; e o terceiro acerda das eleições de 1918, na que o próprio Porteiro foi alvo dum intento de atentado da rede caciquil que via o seu poder ameaçado. Ameaça que sempre tivo presente Porteiro Garea, que chegou a declarar que: "eu podo provar que todos os movimentos iniciados em Galiza desde 1898 fôrom afogados polo terrorismo do poder perseguindo ferozmente aos propagandistas; obrigando a emigrar a muitos labregos, perseguindo-os como criminais por ter discerpado do critério da política."