« Visitou-nos Carlos Blanco, com o seu espectáculo de conta-contosFevereiro de 2007: Programa de actividades »

Excursionismo, concertos, conta-contos, festa de Entruido, poesia e outras actividades configuram a abundante actividade cultural durante este mês

01-02-2007

  01:30:52, por artabria   , 444 palavras  
Categorias: Local Social

Excursionismo, concertos, conta-contos, festa de Entruido, poesia e outras actividades configuram a abundante actividade cultural durante este mês


Os actos culturais agendados começam nesta sexta-feira, dia 2, com um espectáculo de monólogos a cargo do actor Carlos Blanco, a partir das 22.30h. O bilhete custa 4 euros, um menos para pessoas associadas à Fundaçom.

No dia a seguir, sábado 3, concerto de ská galego com o grupo corunhês Dandy Fever, às 22 horas, com participaçom do DJ Costrojam and the Mexican. O preço na bilheteira é de 3 euros (2,5 para pessoas associadas).

Já para o dia 9, sexta-feira, e em colaboraçom com o colectivo de Siareir@s Galeg@s, haverá um campeonato de matraquilhos à tarde, pelas 20h. A inscriçom de pares concorrentes custa 3 euros, com que som cobertas as despesas dos prémios.

No dia 10, sábado, concerto de ská-punk com Trapalhada, às 22.30h, com um preço de 3 euros na bilheteira e umha reduçom de meio euro para associadas e associados à Fundaçom. Mais música haverá na seguinte sexta-feira, dia 16, desta vez com sons do Brasil: Lilian França e Sérgio Tannus, com bilhetes aos mesmos preços dos anteriores concertos e, também como eles, com hora de início marcada para as 22.30h.

Recomenda-se, no entanto, nom ficar até muito tarde a pé, pois na manhá seguinte ( sábado 17), às 9.30h. da manhá, partirá um novo roteiro pola costa da comarca. Desta vez toca a caminhar o trajecto entre a praia de Campelo, em Narom, e a de Pantim, em Valdovinho. Na noite do mesmo sábado, mais música com Pulpinho Viascón, a partir das 22.30h.

E no domingo, dia 18, jantar popular com todo o protagonismo para um clássico da nossa cozinha de Entruido: o lacom com grelos. Será no local social da Artábria às 14.30h e o prazo de inscriçom ficou já aberto ao balcom da cafetaria ártabra.

Na seguinte sexta-feira, dia 23, às 19h, é a vez da poesia: apresentaçom da obra de Artur Alonso Novelhe, editada pola AGAL, Umha meixela e depois a outra, contando com a presença do próprio autor. A seguir ao acto literário, começará, polas 22.30h, a Festa de Entruido, que incluirá, além de outras surpresas, um concurso de disfarces.

Nesse mesmo fim de semana, o local social da Artábria acolhe no sábado 24 mais um concerto, com o grupo metaleiro Machina, às 22.30h.

A completa agenda cultural ártabra tem como última referência de Fevereiro o domingo dia 25, em que decorrerá umha nova jornada gastronómica a partir das 13h. E, apesar de que Março fica ainda longe, a entidade cultural de Trasancos avança concertos de The Homens (dia 3), Esterko (dia 17) e Kastoma (dia 31).

Sem comentários ainda

Horário de Abertura
- Segundas a sextas 10.00h-13.30h // 17.30h-feche
- Sextas e Sábados 18.00h-feche

A Associaçom Reintegracionista Artábria, nascida em 1992 em Narom, transformou-se em abril de 1998 em Fundaçom, inaugurando em setembro desse mesmo ano o seu Centro Social.

A Fundaçom Artábria está declarada de Interesse Galego e classificada de interesse cultural, com o número de inscriçom 54 e CIF:G15645518.


Para saberes mais, lê a definiçom da Artábria na wikipédia + info

Busca

Ferramentas de administraçom

  Feeds XML

multi-blog platform