No próximo sábado contaremos no local da Fundaçom Artábria com a actuaçom do grupo de Cerzeda Machina. Será polas 22.30 e o preço do bilhete é de 3 euros -2,5 para @s sóci@s.

Continua:

Machina aparece no ano 2003 com o nome de CO-INCIDENCIA, e começa os ensaios tocando versons (como "Killing in the name" de R.A.T.M. ou "Nobody´s wife" de Anouk) e já compondo os seus próprios temas. Nesta formaçom estava Gonçalo na guitarra, Mahi na bateria, Estefanía na voz, Nacho na outra guitarra e Cesar no baixo. A banda com esta formaçom chegou a dar concertos por diversos lugares da geografia galega e incluso a tocar com grupos com nome como NDNO na sala Iguana de Vigo. As cousas fôrom mudando, e três dos integrantes do grupo (Cesar, Mahi e Nacho) deixavam a banda para se dedicarem a outros projectos; entom foi quando David entrou como Baixista e Diego começou na batería, ficando a formaçom com um só guitarrista.

Pouco mais tarde, foi Estefanía quem decide deixar Machina, unindo-se ao grupo a voz de Angel; o grupo grava umha primeira maquete, onde se escuitam já as suas novas orientaçons, com um estilo de metal muito pessoal. Nesta etapa, Machina ganha o concurso campussons '05. Mas o grupo sofre umha nova viragem e tanto Diego como David e Angel abandonam por diversos motivos pessoais. Foi entom quando chegou ao baixo Anxo (actualmente também em Banda Potenkim), Mahi voltou à bateria (actualmente também Presencia Zero) e na voz entrou Martín (actualmente também Presencia Zero). O grupo começa um período de composiçom onde se vai forjando um novo estilo próprio muito pessoal e difícil de definir, obtendo mui boas críticas. A banda está com a ideia de gravar umha pequena demo para mostrar o que se fai na actualidade, mas ainda sem nengunha data prevista.

[youtube]yQf3txpmajQ[/youtube]

mais info em: http://www.myspace.com/machinagz