Continua:

A sala de conferências do nosso centro social foi lotada polo público que nom quijo perder a oportunidade de escuitar a intervençom de Xosé Santiago Alhegue, que deu umha visom de conjunto sobre os mecanismos, causas e alternativas em torno do modelo de gestom urbanística nas instituiçons públicas do nosso país e porque a corrupçom representa umha característica intrinseca do actual sistema.

Depois da exposiçom, que durou por volta de umha hora, iniciou-se um debate muito participativo em que se apresentárom aspectos complementares da intervençom, com umha conclusom comum sobre a necessidade de que exista umha participaçom popular que acabe com a impunidade permanente dos cargos políticos institucionais, profissionais, bancos e construtores para destruir os espaços públicos com operaçons especulativas constantes que estám a desfigurar as nossas vilas e cidades.

Junto a estas linhas, apresentamos umha pequena crónica em imagens do evento a que fazemos referência, que fai parte da programaçom de actos que durante o último mês serviu para comemorarmos os 12 anos da abertura do nosso centro social.