« Aberto prazo de inscriçom para I Acampamento Urbano da Fundaçom ArtábriaFundaçom Artábria apoia convocatória da Greve Comarcal o próximo 12 de junho »

Completo calendário de atividades no mês de junho

10-06-2013

  19:47:39, por artabria   , 268 palavras  
Categorias: Gastronomia, Teatro e conta-contos, Actividades mês a mês, Palestras e debates

Completo calendário de atividades no mês de junho

Junho sera um completo mês de atividades no nosso Centro Social. Teatro, cabaré, conferências, música e festa completam um amplo programa que passamos a desglossar.

Sexta-feira, 14 de junho, o Grupo Teatral A Espelunca, formado por alunado de português da EOI de Ferrol trazerám ao nosso Centro Social a sua primeira obra "Einstein". A funçom começará com estrita pontualidade às 21.30h.

Sábado, 15 de junho, continuamos desfrutando da gastronomia doutras latitudes. Desta vez, da mao da nossa companheira Vero, conheceremos o sabor da cozinha Arménia. A emenda da ceia será composta por Kebab Armémio, Dolma, torta típica e café arménio. O preço da ceia é 10 euros e podes inscrever-te ao balcom do café-bar ou escrevendo para o correio-e: correiodeartabria@gmail.com.

Na quinta-feira, 20 de junho, contaremos no nosso Centro Social com a presença do histórico militante do nacionalismo galego e especialista na figura de Rosalia de Castro Francisco Rodríguez, que falará da obra da poeta galega, coincidindo com o 150 aniversário de Cantares Gallegos. A conferência dará início às 20.30hs.

21 de junho, sexta-feira, traz o teu instrumento e participa desde as 22hs numha nova ediçom das famosas Repichocas Ártabras.

Já no sábado, 22 de junho, desde Compostela chega o Coletivo Tachán que representarám a obra de cabaré em homenagem a Madame Brioche Gruyère. O início será para as 21.30hs e a entrada de graça.

No domingo, 23 de junho, celebraremos o solstício de verao com umha chouriçada a preços populares. Desde as 20hs na Travessa de Batalhons.

Fecharemos o mês celebrando o Dia do Orgulho LGTB com umha festa em apoio ao Coletivo Anti-SIDA de Ferrol Lazos-ProSolidariedade. Será no 28 de junho a partir das 21h.

Sem comentários ainda

Horário de Abertura
- Segundas a sextas 10.00h-13.30h // 17.30h-feche
- Sextas e Sábados 18.00h-feche

A Associaçom Reintegracionista Artábria, nascida em 1992 em Narom, transformou-se em abril de 1998 em Fundaçom, inaugurando em setembro desse mesmo ano o seu Centro Social.

A Fundaçom Artábria está declarada de Interesse Galego e classificada de interesse cultural, com o número de inscriçom 54 e CIF:G15645518.


Para saberes mais, lê a definiçom da Artábria na wikipédia + info

Busca

Ferramentas de administraçom

  Feeds XML

powered by b2evolution