Dia 3 de Fevereiro, a Fundaçom Artabria fijo umha viagem no espaço e no tempo, chegando-se a terras jamaicanas da década de ’50 e ’60, com a celebraçom da ‘Festa Ska’.

Dj Costrojam and The Mexican fôrom os encarregados da abrirem apetite entre @s assistentes com umha sessom de música ska, reggae e rocksteady, com que resgatárom grandes temas destas músicas nascidas nas Caraíbas.

O peso da festa passou depois a maos do grupo da Corunha Dandy Fever, que na sua segunda visita ao local da Fundaçom repetírom o êxito e a afluência de público foi realmente ampla. Temas do seu primeiro disco, alguns outros que farám parte do próximo, e temas já clássicos de grupos como os Skatalites, formárom o repertório de um concerto em que uns grandes músicos e umha bonita voz servírom de escusas perfeitas para desfrutarmos e completarmos umha jornada de música e boa companhia.

[youtube]zSaCTqASIPM[/youtube]