Entramos no último mês de ano e na Fundaçom Artábria queremos fechar 2016 tal e como começamos, ofertando um variado programa de atividades para todos os públicos.

Em dezembro teremos música, palestras, monicreques, gastronomia, teatro e como nom a visita do Apalpador.

Na sexta-feira, 2 de dezembro, o duo ferrolano Kozmic Blues apresentam em Ferrol o seu segundo trabalho "Dream for winter". A entrada será gratuita e a hora de início às 22.30hs.
Este segundo album é umha mudança de ciclo e estado mental para Andrés e Elisa, definindo-o por elas mesmas como numha mistura entre sonho e realidade.

No sábado 3, às 20hs, decorrerá umha palestra sob o título "Que é a operaçom Jaro?" onde intervirám pessoas processadas na ofensiva judicial contra a organizaçom independentista Causa Galiza, a qual foi ilegalizada por ordem da Audiência Nacional.
Este processo de ilegalizaçom foi denunciado no Parlamento Europeu polo BNG e Bildu, destacando "o gravíssimo défice democrático do Estado espanhol".

Da Fundaçom Artábria, consideramos um exercício de democracia abrir portas à informaçom e dar a conhecer a outra versom deste processo político-judicial, a que nom contam os meios de informaçom

Na sexta-feira 9 de dezembro, decorrerá um novo atelier infantil. Desta volta Maru Alonso ensinará às crianças a elaborarem bolachas de natal.

A atividade gratuita é para nen@s a partir dos 4 anos e é precisso inscriçom prévia já que há límite de 15 prazas. Podes apontar-te ligando para o 671 200 160.

No dia 10 haverá umha nova projeçom de diapositivos da história da nossa entidade, da mao de Nês Lopes. Será às 21.30hs.

Já no 16 de dezembro a companhia de monicreques "O monifate teatro" trará o espetáculo "A espera", estreado no Festival internacional de fantoches de Redondela, em 2015. A obra, que está recomendada para maiores de 12 anos, toca o tema da memória histórica.
A entranhável personagem desta proposta, escrita por J.L Banhos de Cos, convida-nos a pensar sem discurso político, nas feridas abertas que soportam geraçons enteiras, produto da nossa insolência com a história. Através deste relato de vida, inspirada em personagens reais que luitárom no passado, chama-se a atençom sobre o direito à sua dignidade no presente. A entrada é gratuita.

No sábado 17, decorrerá umha nova sessom vermute no nosso Centro Social desde as 12.00hs. À volta das 12.30hs contaremos com a atuaçom de Grüvzilla. Este grupo de musica instrumental que chega desde Compostela mistura jazz, funk, rock e blues. O elemento básico: o groove!
Haverá espetos à grelha a 2 euros.

No 23 de dezembro, chegará o Apalpador à nossa cidade da mao da Fundaçom Artábria. O gigante carvoeiro percorrerá as ruas do bairro de Esteiro e da Madalena. A ruada partirá às 12hs do nosso Centro Social.

Nom podia faltar um encontro grastonómico para encerrar o ano 2016. Na quinta-feira 28 de dezembro, às 22hs decorrerá a "V Luso Paparoca". O preço da ementa, na qual se incluem entradas portuguesas, arroz caldoso, sobremesa, água/vinho e café, é de 10 euros, 8 euros para pessoas associadas da Fundaçom Artábria e o Beco da Língua. Podes inscrever-te escrevendo para o correiodeartabria@gmail.com ou ligando para o 669 778 474 antes do dia 26.

Fechamos as atividades do ano a sexta-feira 30 de novembro às 22.00hs.
Após ter que suspender a atuaçom por motivos de saúde no passado mês de novembro, a companhia Clube Teatral Elsinor trarám a obra "Xente de pálida pel", baseada em textos de Cunqueiro, a qual serve como homenagem ao bestiário saído da imaginaçom do autor mindoniense.

A obra é dirigida por Manuel Lourenço e conta com a atuaçom de Cristina Fuentes, Carme Martínez, Xosé Martínez e Xulia Miguel, além do próprio Lourenço.

Esta peça teatral já foi representada em multitude de cenários, recebendo nom só o beneplácito da crítica, como ftambém a mais importante cumplicidade do público perante um texto infalível.
A entrada é de graça.