A A.C.Revira participou na concentraçom convocada pola Coordenadora de Ponte Vedra Contra a Guerra celebrada o passado sábado 17 de Março na Praça da Peregrina de Ponte Vedra.
Denunciamos, no 4ºaniversário da Invasom do Iraque, as matanças que o imperialismo e os seus lacaios venhem provocando nesse estado, e também essa outra ocupaçom militar com apariência de "humanitária" que a OTAN, como braço armado do imperialismo dos USA e da UE, estám a levar a cabo no Afeganistám.
O que se agacha tras dessa "humanitária" intervençom som os interesses do capitalismo, o controlo de rutas estratégicas numha regiom rica em combustíveis fóseis, nomeadamente o gas.
Temos que denunciar as continuas matanças de civis afega@s, das que de quando em vez nos "informa" a própria imprensa burguesa ocidental, assim como EXIGIR A RETIRADA DAS TROPAS ESPANHOLAS, que com a imagem de "cooperaçom" humanitária, nom fam senom parte da mesma estratégia e do mesmo drama tenebroso e assassino, e como mercenári@s que som, dispararám e matarám à gente assim lhe-lo ordenem. Nom é esta soldadesca, -que volta de ganhar dinheiro com o sangue da populaçom miserável que mora a milheiros de Kms-, merecente de nengumha homenagem, senom do desprezo da gente mais consciente e do povo em geral, polo que dizemos:
NOM SOM COOPERANTES,SOM OCUPANTES!
FORA DO AFEGANISTÁM!

Marina Quintilham foi a encargada de dar leitura ao manifesto da Coordenadora de Ponte Vedra contra a Guerra

NO QUARTO ANIVERSÁRIO DA OCUPAÇOM DO IRAQUE ...
1. ... Som quase 1.500 dias de assassinatos, matanças indiscriminadas de civís, bombardeios, torturas, violaçons e todo tipo de atropelos aos direitos humanos exercidos polas forças armadas ocupantes dos EUA e os seus aliados co silêncio cúmplice da ONU e a UE (apenas algun comunicado e ressoluçon insignificante). Assim é como os exércitos ianque e associados europeios levam a democracia a Oriente Médio.
2. A morte dumha soldado espanhola no Afeganistám en Fevereiro tem
provocado um aluviom de justificaçons sobre o carácter ?humanitário? da ocupaçom militar espanhola deste país com o guardachuvas sempre útil da NATO, tentando ocultar por todos os médios as evidentes similitudes com o caso do Iraque. Nom é missom humanitária o envio de tropas de ocupaçom ao Afeganistám, cujo objectivo nom é outro que o de manter
submetida à populaçom e ussurpar a sua soberania. Nom é humanitário o bombardeio e assassinato indiscriminado de civís, as excussas do PSOE nom som suficientes para agochar a realidade dumha invassom militar que responde aos interesses geoestratégicos norteamericanos, e às prévendas para a reconstruçom que se lhe prometeram aos lacaios europeios, entre os quais se conta o governo espanhol.
3. Fan-nos viver num momento crítico permanente, agora o imperialismo ianque prepara o terreno para asaltar o Irám. O capitalismo norteamericano e internacional postula a necessidade do espólio a travês da força militar, e nom duvida em continuar levando a morte e a misséria a qualquer outro território do mundo. Os protagonistas destas matanças tenhem nomens e apelidos: FMI, BM, empresas petroleiras, corporaçons transnacionáis e construtoras, agências de mercenários, e todos os grandes e pequenos beneficiários da morte de miles de pessoas todos os
anos.
4. Desde a Coordenadora contra a Guerra esigimos a retirada das forças ocupantes do Iraque e o Afeganistám, e no caso concreto do exército espanhol, o seu abandono inmediato das missons de intervencionismo imperialista nas que participa na actualidade, seja este em Haití, no Afeganistám, no Iraque, ou em qualquer outro ponto do planeta.