|
 Categoria: JornadasDia da Galiza Mártir na Revira
 O C.S Revira organiza umha jornada vindicativa do Dia da Galiza Mártir este 17 de Agosto, com o seguinte programa: 19h. Conferência: "A repressom franquista na comarca de Ponte Vedra", com o historiador Xosé Álvarez
O C.S Revira organiza duas jornadas de apoio à greve geral do 29 de Setembro.
 A primeira delas terá lugar a quinta 16 de Setembro às 20:30h, na qual se projectará o documentário "1984, tres folgas xerais contra a reconversión". Este audiovisual, produzido pola CIG, recolhe as tres greves que tiverom lugar em esse ano com o pano de fondo do ingresso do Estado espanhol na CEE e as nefastas consequências para a economia galega (reconversom no naval, no agro...), assi como o papel destacado do sindicalismo nacionalista e de classe aglutinado naquela altura na INTG. Na segunda jornada, sexta 17 de Setembro às 20:30h, contaremos com a presença de Antolín Alcántara, membro da Executiva Nacional da CIG , secretário nacional de negociaçom colectiva e com implicaçom destacada em conflitos laborais como o do Metal de 2009. Com ele trataremos a necessidade da greve geral e a especificidade na nossa naçom. A continuar reproduzimos o comunicado da A.C Revira a propósito da greve geral: C.S. A Revira mostra o seu apoio à greve geral do dia 29-S na Galiza O Centro Social Revira quer mostrar o seu apoio à greve geral convocada no dia 29 de Setembro na Galiza, e o seu total rexeitamento ao ataque aos direitos dos trabalhadores que constitui a nova reforma laboral promovida polo PSOE em Madrid. A greve geral está mais que justificada: esta nova reforma laboral vai supor abaratar o despedimento dos trabalhadores, de varias maneiras: amplia os contratos de 33 dias por indenizaçom por ano frente aos 45 do contrato ordinário, e fundamentalmente, facilita o despedimento por “causas objectivas” com só 20 dias de indenizaçom por ano, ao permitirem-se causas tam laxas como “previsons de perdas”. Esta nova reforma ataca a negociaçom colectiva para fazer mais vulnerável ao trabalhador individual frente ao empresário, permitindo às empresas descolgar-se das melhoras conseguidas a través das loitas por convénios justos e permitindo variar à vontade as condiçons do trabalho (horários, desprazamentos). Ainda mais, a reforma subvenciona por parte do Estado os despedimentos, alonga a idade para os contratos “em formaçom” para a mocidade até os 24 anos (que permite pagar menos do salário mínimo), dá entrada às ETT’s em mais sectores económicos... Todo isto acontece num contexto onde o desemprego acada em Galiza mais de 200.000 pessoas, com um paro na mocidade galega de mais do 30% e aqueles que trabalham fam-no com umha temporalidade do 63% em menores de 24 anos: ainda assim, querem precarizar-nos ainda mais. No entanto, os lucros de muitos empresários galegos, como Amancio Ortega ou Manuel Jove, estám acolhidos a sociedades de investimentos (SICAV) que acumulam 1.400 milhos de euros e que apenas pagam impostos, mas nem o governo galego do PP ou o central do PSOE vam introduzir umha reforma fiscal para incrementar o gasto em políticas sociais, que o PP está a desmantelar no nosso país (educaçom, serviços sociais...) Esta greve geral tem que obrigar ao governo do Estado a retirar esta reforma, e para isso precisamos que seja massiva e total: outras greves gerais tivérom como consequência a retirada de reformas lesivas como esta, e será ademais um aviso para evitar novas reformas que já estám a ser estudadas, como a das pensons. O derrotismo em que nos quere instalar o sistema capitalista tem que ser freado, e demostrarmos que a uniom dos trabalhadores pode deter os ataques do governo central do PSOE, num contexto onde a CEOE e o PP pedem ataques ainda mais duros contra os nossos direitos. Porque estes ataques afectam-nos a todos, trabalhadores actuais ou futuros (estudantes, por exemplo), pensionistas ou parados, de todos é tarefa pará-los. O 29 de Setembro, a Revira vai à greve!
Projecçom do documentário "Hechos, no palabras" esta quarta 21 às 20h
Este é um filme sobre o processo político cubano e as suas particularidades. É um material sobre o exercício de uma democracia diferente à que tratam de impor os grandes centros de poder. Por mais de 47 anos, a Revoluçom Cubana foi vítima de milionárias campanhas mediáticas e inumeráveis tentativas de isolamento como parte de uma política de BLOQUEIO que nom tem desestimado nenhuma variável de agressom. A violaçom dos direitos humanos em Cuba tem estado no centro mesmo destas acçons. Rodada integralmente em Cuba com o depoimento directo de homens e mulheres de todas as idades, é uma pintura da autêntica realidade que se vive hoje na República de Cuba. É um documental sobre a experiência desse povo na promoçom dos direitos humanos. É a mostra de umha obra essencialmente humana que nom só bota por terra as campanhas calumniadoras de EE.UU., senom que nos sugere com modéstia e singeleza que outro mundo melhor é possível.
Jornada pola Independência este sábado 17 de Julho
19:00 Projecçom a cárrego de GzVideos 20:30 Palestra Apresentaçom CAUSA GALIZA 22:30 Ceia convivio a base de petiscos acompanhada com Música do nosso país! ( O prezo será de 2€).
Inicia a sua andaina o Seminário de Introducçom ao Marxismo
Esta terça, 8 de Setembro, iniciou a sua andaina o "Seminário de Introducçom ao Marxismo", que pretende servir como aproximaçom aos conceitos e método de análise marxista partindo desde o início. Nesta primeira sessom abordarom-se questons como a exploraçom, a acumulaçom de capital, a mais-valia ou os inícios do socialismo científico, tendo como coordenador a José Vicente Caneda.
|
 Ligações 
|
Feeds XML
