Este 15 de maio o C.S Revira organiza a Festa da Língua, umha jornada reivindicativa a prol do idioma na nossa naçom. Desta volta contaremos com actividades variadas desde primeiras horas da manhá na praça da Verdura: jogos populares,livros viageiros, conta-contos, passa-ruas... As actividades centrais serám o Jantar Popular, na praça da Pedreira (apontáde-vos em centrosocial@revira.org) e o "Concerto pola Língua" que terá lugar pola noite a partir das 22h, para o qual contamos com Second Army, Contra as Cordas, Descartes Band, Royalties e Leo i Arremecaghona.

Animáde-vos a participar! Na Galiza, sempre em Galego!

PROGRAMA COMPLETO

MANHÁ (Pr. da Verdura)
Jogos populares
11h Livros Viageiros
12h Passa-ruas musical
12:30h Contacontos
14h Leitura do Manifesto

14:30 JANTAR POPULAR
(Pr. da Pedreira)
(anotar-se no local ou em centrosocial@revira.org)

TARDE (Pr. da Verdura)
Jogos populares
Projecçom de vídeos sobre a língua

16h Karaoke em galego
17:30h Pandereteiras Maravalhada
18:30 Charanga

22h - Recinto Feiral

CONCERTO POLA LINGUA
Second Army
Contra as cordas
Descartes Band
Royalties
Leo i Arremecaghona

Esta quinta 18 terá lugar umha festa galego-irlandesa no nosso centro social. Às 20h projectaremos o filme de Ken Loach "O vento que agita a cebada". Às 22h começará a festa, com música, petiscos e cerveja.

O dia 20 de fevereiro a Revira organizar a despedida do Entruido com as seguintes actividades:

17h: Concurso-degustaçom de filhoas (haverá prémios)
22h: Cozido galego (10 euros, apontar-se no correio centrosocial@revira.org)

Todo acompanhado da melhor música tradicional e da FOLIADA que terá lugar depois da ceia.

O passado 18 de dezembro inauguramos com sucesso o nosso novo centro social. A palestra "O monte é nosso", que contou com a presença de Xabier Míguez (presidente da comunidade de montes de Vila Boa) e mais de Fernando Pintos (pte. da comunidade de montes de Salzedo) tivo umha assistência de 25 pessoas e deu conta da situaçom da luita popular contra a apropriaçom do monte comunal da área por parte da base militar espanhola da Brilat.

Pintos assegurou que a base militar "afectou desde a sua implantaçom de forma negativa à área de Salzedo", "constituindo, conjuntamente a Ence, a autopista e à Base Naval de Marím umha autêntica tenaça que estrangula o desenvolvimento de Ponte Vedra". Ademais das duras críticas dirigidas cara todas as administraçons, assegurou que a luita vizinal "nom parará até lograr o reconhecimento da propriedade de umhas terras que desde tempos inmemoriais pertencem ao povo" e que "forom usurpadas polo Exército na etapa franquista sem qualquer tipo de contraprestaçom à vizinhança". Para Pintos , "a base militar, face ao que alguns dizem, nom supom nengum tipo de ganho nem benefício, se nom um autêntico atranco", onde ademais "treinam a diário dúzias de soldados, que practicam fogo real e destroem a fauna e a flora do monte comunal".

Após o acto, tivo lugar a tradicional ceia de confraternizaçom que cada ano conmemora o aniversário da associaçom cultural Revira nestas mesmas datas, ademais de celebrar a inauguraçom do novo local social. A ceia do 6º aniversário contou com a assistência de trinta pessoas e prolongou-se até bem entrada a madrugada, e até onde se achegarom numerosos/as simpatizantes da associaçom, ademais dos companheiros/as da Associaçom Cultural Almuinha de Marim, que aproveitamos para felicitar pola inauguraçom do seu centro social.